Татарстан язучысы Ленар Шәехов Халыкара балалар китабы советы (IBBY) - 2022 Мактаулы исемлеге лауреаты булды

2022 елның 7 сентябре, чәршәмбе

2022 елның 5 сентябрендә Путраджайеда (Малайзия) Халыкара балалар китабы советының 38 нче Бөтендөнья конгрессы ачылды.

Татарстан Республикасыннан балалар язучысы, «Татар китап нәшрияты» баш мөхәррире Ленар Шәехов Халыкара балалар китабы советының (IBBY) -2022 татар телендә язылган «Галинең песие» әсәре белән Мактаулы исемлеге лауреаты булды. Шулай ук лауреат исемен Россия авторы Эдуард Веркин, иллюстратор Анастасия Архипова, тәрҗемәче Ольга Варшавер да яулады.