Казан мөселман киносы фестивале башкаланың тугыз мәйданчыгында узачак

2022 елның 29 августы, дүшәмбе

2022 елның 7-11 сентябрендә башкалабызда XVIII Казан Халыкара мөселман киносы фестивале узачак. 

Казан халыкара мөселман киносы фестиваленең төп программасы яңа «Синема 5» кинотеатрында күрсәтеләчәк (Петербург ур., 9). 

Балалар программасы "Әкият" балалар үзәгендә тәкъдим ителәчәк. 

Фестиваль узган елдагы кебек үк 7 сентябрьдә 18 сәгатьтә Казан Ратушасында ачылачак, ә рәсми ябылу тантанасы 11 сентябрьдә 19:00 сәгатьтә "Пирамида" мәдәни комплексында үтәчәк. Вакыйгага бер сәгать кала ишек төбендә кызыл келәм җәеләчәк.

Гранд Отельның Салих Сәйдәшев исемендәге конференц-залында (3 кат) (Петербург урамы, 1) кинофестивальнең матбугат үзәге урнашачак.

Чаралар программасы фестивальнең рәсми сайтында урнаштырылган.