Бөтендөнья фотография көне кысаларында Казанда Солтан Исхаковның фотокүргәзмәсе ачылды
19 августта Бөтендөнья фотографияләр көне билгеләп үтелә.
Бөтендөнья фотография көне алдыннан Сәет Галиев исемендәге Мәдәният йортында фоторәссам Солтан Исхаковның «Якты чагылышлар» юбилей күргәзмәсе старт алды. Экспозициядә соңгы 30 елда иҗат иткән фотография, 80нән артык аклы-каралы һәм төсле сурәтләр катнаша.
Күргәзмәне ачуда Татарстан Республикасы мәдәният министры Ирада Әюпова катнашты.
"Кешеләргә күбрәк фотография хобби һәм сәнгать буларак барлыгын күрсәтү кирәк. Кешеләр фотохезмәтне күбрәк бәяләү өчен. Сезнең эшләрегезгә карап, мин беренче тапкыр фотосурәтнең - социаль сәнгать булуын аңладым, теге яки бу кадр чыннан да ниндидер проблеманы ачарга һәм нәрсәдер авырткан булуын күрсәтергә мөмкин ", - дип билгеләп үтте котлау чыгышында ТР мәдәният министры Ирада Әюпова.
Экспозиция 1990 нчы еллардан алып хәзерге вакытка кадәрге чорда эшләнгән иң кабатланмас сурәтләрне җыйды. Аларның кайберләре цифрлы фотоаппарат, икенчеләре пленкалы фотоаппаратта сурәтләнгән.
«Бүген мин иң бәхетле кеше. Күңелдә ике җитди юбилей - үземнең 70 яшьлегемне һәм карьерамның профессиональ фотограф буларак башлануына 30 еллыкны берләштерү фикере туды. Бүген мин күргәзмәдә шулкадәр кешене күрүемә шат һәм үз адресыма шундый ихлас сүзләрне ишетүгә сөнәм ", - дип уртаклашты Солтан Исхаков.