Яшел Үзәндә “Мәдәният” милли проекты кысаларында яңа Мәдәни үсеш үзәге ачылды
2022 елның 19 августында Яшел Үзән шәһәрендә Татарстан Республикасы Президенты Рөстәм Миңнеханов катнашында Мәдәни үсеш үзәген ачу тантанасы булды.
Татарстан Республикасында уникаль күппрофильле мәдәни объект «Мәдәни мохит» федераль проектының "Мәдәният" милли проектын гамәлгә ашыру кысаларында булдырылды.
Ике катлы бинада иҗади остаханәләр, вокаль һәм театр студиясе, хореографик класс, күргәзмә залы, 199 кеше сыярлык урыны булган концерт залы, төшке аш һәм лаундж-зона бар, заманча тавыш һәм яктылык җиһазлары белән җиһазландырылган. Бинаның гомуми мәйданы - 1616 квадрат метр тәшкил итә.
Ачылу тантанасында шулай ук Татарстан Республикасы мәдәният министры Ирада Әюпова, ТР Яшел Үзән муниципаль районы башлыгы, шәһәр мэры Михаил Афанасьев, министрлыклар һәм ведомстволар, предприятие һәм учреждениеләр җитәкчеләре, Татарстан Республикасы Дәүләт Советы вәкилләре, шулай ук Диана Анисина җитәкчелегендәге балалар театр студиясе укучылары, Яшел Үзән музыка театры артистлары, Яшел Үзән халкы катнашты.