7 август 12:00 сәгатьтә Зөя утрау-каласында «Том Сойер Фест» фестивале ачыла
"Том Сойер Фест" - гомумроссия хәрәкәте, әлеге чара кысаларында волонтерлар шәһәр төзелешенең кыйммәтле объектларын ремонтлый. Бүгенге көндә ул илебезнең 76 шәһәрен берләштерә. Татарстанда проект Казанда, Яшел Үзән һәм Алабуга районнарында гамәлгә ашырыла, Зөя утрау-каласында ул беренче тапкыр уздырыла. Проект 2016 елда башланып китте, республика башкаласында активистлар 16 йортны яңартты, шуларның 15-е - торак йортлар.
7 августтан төзекләндерү эшләре Зөя утрау-каласының яр буенда урнашкан 721нче номерлы Дебаркадерда башлана. Былтыр аны бирегә Локомотив Казан ярымутравыннан китергәннәр, анда ул дистәләгән еллар буе Елга техникумының тренировка базасы булып хезмәт иткән.
Дебаркадер елгага һәм елга яшәү рәвешенә багышланган «Зөя утрау-каласы» музей-тыюлыгының яңа даими экспозициясенең бер өлеше булачак. Дебаркадерның өске өлешен музей алачак, ул Казан елгасы пароходлыгы - елгачылар, дебаркадерлар һәм җирле суднолары турында сөйли торган музей булырга охшый, беренче катта суднолар түгәрәге һәм ишкәкчеләр клубы урнашачак.
7 август программасы:
12:00сәг. Ачылу Идел елгасы дебаркадерлары турында хикәя;
12:30-14:00сәг. Дебаркадерда экскурсия һәм чистарту эшләрен башлау, бердәм әзерлек эшләре;
15:00сәг Чәй эчү, самовар кайнату, Идел ухасы һәм музыкаль концерт.
Программада шулай укутрау тирәсендә"Степан" ретро-яхтасында су коену һәм суда йөрү булачак.