Казанда «Петр I реформасы» төбәкара фәнни-тикшеренү форумының өченче сессиясе уза
"Кешелек цивилизациясендә төп урынны "мәдәни һәм менталь код" алып тора. Әгәр дә үткәнне аңламасак, тарихи мирасны белмәсәк, без бер үк хаталарны кабатлаячакбыз, - дип билгеләде ТР мәдәният министры Ирада Әюпова "Петр I реформасы" төбәкара фәнни-тикшеренү форумы сессиясендә.
Бүген Казанда "Император Петр I реформасы. Тарихи мирас һәм заман" төбәкара фәнни-тикшеренү форумының өченче сессиясе уза.
Сессиядә «Елисаветино-Сергиев агарту җәмгыяте» хәйрия фондының Күзәтүчеләр советы рәисе Анна Громова, ТР мәдәният министры Ирада Әюпова, Ш.Мәрҗани исемендәге тарих институты директоры Радик Салихов катнаша.
«Диңгез суднолары бар һәм булачак...» конференция темасы: Император Бөек Петр тарафыннан Рус флотына нигез салуы һәм Россиядә суднолар йөрешен үстерү».
Форум эшендә Мәскәү, Санкт-Петербург, Казан, Татарстан һәм Россиянең башка төбәкләреннән әйдәп баручы тарихчылар, архивчылар, туган якны өйрәнүчеләр, музей җәмәгатьчелеге вәкилләре катнаша.