«Ага-Базар» II Халыкара этнокультура фестиваленә (Болгар шәһәре) кадәр санаулы көннәр калды!
Фестивальнең үзәк мәйданчыгында урта гасыр болгар базары стилендә «АГА БАЗАР» («БОЛЬШОЙ БАЗАР») оештырыла, анда уникаль кул эшләре товарлары белән сәүдә рәтләре, тематик мәйданчыклар, декоратив-гамәли сәнгать буенча иҗади шөгыльләре булган һөнәрчелек остаханәләре тәкъдим ителәчәк.
Этник мәдәният төрле өлкәләрдә тәкъдим ителәчәк:
• Музыка, бию, кием-салым, традицион кухня буенча Work Shop.
• Балалар уеннары һәм күңел ачу аланы – фестивальнең иң яшь катнашучылары өчен.
• Үләннәр һәм чәй тантанасы булган өйләр, анда шәһәр ыгы-зыгысын онытырга һәм Идел ярындагы тыныч, яшел почмакка чумырга мөмкин.
• Фольклор коллективлары һәм инструменталь музыка.
• Кичке концерт программасында фолк-фьюжн жанрындагы композицияләр яңгыраячак: Илгиз Шәйхрәзиев, Malsi Music, Илдар Варган, Алпар һәм башкалар.
Фестивальнең хедлайнеры Казахстанның «Аш-аш» җыры белән танылган TikTok-челлендж башкаручысы Жолдасбек Абдиханов булачак.
Керү ирекле! Фестиваль кунаклары өчен автовокзалдан түләүле автобуслар һәм елга портыннан пассажирлар рейслары йөриячәк.