Алабуга дәүләт музей-тыюлыгында табигый таштан “Акварельләр” күргәзмәсе ачылды
7 июльдә Алабуга дәүләт музей-тыюлыгының хәзерге заман этносәнгать музеенда Анатолий Сорокинның табигый таштан “Акварельләр” күргәзмәсе ачылды (Сыктывкар шәһәре). Экспозиция төрлелеге белән гаҗәпләндерә: таштан шарлар, шкатулкалар, камин приборлары, сәгатьләр, канделябрлар, нәфис композицияләр.
Сәламләү сүзе белән сәнгать белгече, зәркән сәнгате тарихчысы, Россия сәнгать академиясенең мактаулы академигы, Фаберже мемориаль фонды галиме Валентин Скурлов чыгыш ясады.
Шулай ук Анатолий Сорокин үзе һәм Алабуга дәүләт музей-тыюлыгы генераль директорының фәнни эшләр буенча урынбасары Александр Деготьков та чыгыш ясадылар. Татарстан Республикасының атказанган артисткасы Диләрә Мироваева һәм Алабуга музыканты Тәлгать Зариповның чыгышы иҗади бүләк булды.
А.С. Сорокин остаханәсе - Коми Республикасында бердәнбер оригиналь һәм нәтиҗәле эшләүче табигый ташлар остаханәсе.
Соңгы елларда иҗат берләшмәсенең төп юнәлешләреннән берсе флорентия мозаикасы техникасында картина-панно тора, аны хәзер "таштан рәсем ясау" дип тә атыйлар.