ТР Милли китапханәсендә “Биләр. Мирас хәзинәсе» документаль фильмын тәкъдир итәләр
9 июль 15:00 сәгатьтә Татарстан Республикасы Милли китапханәсендә “Биләр. Мирас хәзинәсе" фәнни-популяр документаль фильмын тәкъдир итәләр .
Фильм тамашачыларга урта гасырдагы Биләр серләрен ачачак.
Фильм өстендә әзерлек һәм нәтиҗәле эшчәнлек бер ел дәвам итте, аны "11:11 STUDIOS" командасы алып барды, фильмның режиссеры Бай Хәйруллин.
Проект ТР ДБМУ "Биләр дәүләт тарих-археология һәм табигый музей-тыюлыгы" фәнни консультацияләре һәм ярдәме белән гамәлгә ашырылды.
Ахырда фильм турында фикер алышу булачак.
Чакырылган кунаклар арасында фәнни консультантлар: Фаяз Шәрип улы Хуҗин - археолог, тарих фәннәре докторы, Татарстан Республикасы Фәннәр академиясе әгъзасы-корреспонденты һәм Зөфәр Гомәр улы Шакиров - археолог, тарих фәннәре кандидаты, Биләр музей-тыюлыгы директоры бар.