Казан кинофестивале киномәктәпләр форумын туплый

2022 елның 29 июне, чәршәмбе

8 һәм 9 сентябрь XVIII Казан халыкара мөселман киносы фестиваленең эшлекле мәйданы кысаларында киномәктәпләр форумы оештырылачак. Чара Казан дәүләт мәдәният институтында узачак.

Киномәктәпләр форумы- кино белеме бирү өлкәсендә тәҗрибә уртаклашу мәйданы.

Форум кысаларында кино өлкәсендә белем бирү проблемалары, уку программаларының заманча стандартлары һәм белгечләр әзерләү принциплары буенча түгәрәк өстәл үткәрү планлаштырыла. Урта звено осталарын әзерләү фикер алышуның төп темасы булачак. Катнашучылар, кино сөючеләр һәм студентлар өчен мастер-класслар үткәреләчәк.

Казан халыкара мөселман киносы фестиваленең эшлекле мәйданчыгында катнашу өчен гаризалар түбәндәге адрес буенча кабул ителә:

business@kazan-mfmk.com.