«Мир» кинотеатрында төрки кино көннәре ачылды

2022 елның 13 мае, җомга

Бүген «Мир» кинотеатрында Төрки кино көннәре ачылды. «Татар-информ» мәгълүмат агентлыгында әлеге чарага
 багышланган матбугат конференциясе узды. Фильмнар турында, шулай ук  Татарстан Республикасы һәм Төркия Республикасы мәдәни мирасы, хезмәттәшлек турында Төркиянең Казандагы Генераль консулы Исмәт Эрикан, "Татаркино" директоры Миләүшә Айтуганова, Казахстан Республикасының Казандагы Генераль консулы Ерлан Искаков һәм Үзбәкстан Республикасының Генераль консулы Камол Давронов сөйләде.

Төрки кино көннәре «Эртугрул 1890» фильмы белән бүген ачылды һәм алты көн дәвам итәчәк. Барлык кинолар "Мир" кинотеатрында күрсәтеләчәк.