Татарстан Президентына «Киләчәккә старт» проектын тәкъдир иттеләр

2022 елның 26 апреле, сишәмбе

Кичә Татарстан Президенты Рөстәм Миңнеханов С.А.Герасимов исемендәге Бөтенроссия дәүләт кинематография институты ректоры Владимир Малышев һәм ГИТИС ректоры Григорий Заславский белән очрашты. Әңгәмәдә ТР Премьер-министры Ләйлә Фазлыева, ТР мәдәният министры Ирада Әюпова, КДМИ ректоры Роза Әхмәдиева да катнашты.
Очрашуда мәдәният өлкәсендә хезмәттәшлек, кадрлар әзерләү, шулай ук "Киләчәккә старт" фестивале мәсьәләләре каралды.
Кунаклар Казанга “Киләчәккә старт” дипломлы спектакльләр фестивале чараларында катнашу өчен килделәр (2022 елның 25 апреленнән 30 апреленә кадәр уза).