Казан яшь тамашачылар театрында «Ювелир юбилеен» билгеләп үттеләр
Премьерада пьесаны тәрҗемә итүчеләрнең берсе Ольга Варшавер да катнашты.
Морис Ходжерга - 89 яшь. Ул кеше кызыгырлык тормыш белән яши. Әмма Морисның бер хыялы һаман да тормышка ашмый. 60 ел элек ул гадәти булмаган кызны очрата һәм гомерегә гашыйк була. Морис 90 яшенә кадәр яшәргә тиеш, чөнки ул аның янына чәй табынына килергә вәгъдә бирә. Алар янә - элеккеге ювелир һәм Бөекбритания королевасы Елизавета II очрашырлармы?
«Без яшь тамашачы театрында, һәм миңа калса, ихлас хисләр яшәсен иде. Мин әкият күрсәтергә теләдем. Яшь тамашачы театры-ул һәрвакыт яшь тамашачы өчен генә түгел, ә кайвакыт яшь күңелле тамашачы өчен дә», — диде әңгәмәдә спектакльнең режиссеры.
Спектакльдә ТР халык артисты Вячеслав Казанцев, ТР халык артисты Надежда Кочнева, ТР атказанган мәдәният хезмәткәре Любовь Лукина катнаша. Режиссер-Радион Букаев, костюмнар һәм сценография-Александр Греньков, Рафис Фәйзрахманов, музыкаль бизәлеш - ТР атказанган сәнгать эшлеклесе Юрий Чаплин, ут буенча рәссам - Ания Шепелюк.