Нәҗип Җиһанов исемендәге Казан дәүләт консерваториясендә Татарстанда музыка сәнгате һәм мәгариф мәсьәләләре турында фикер алыштылар
Юбилей фестивале кысаларында Н.Җиһанов исемендәге Казан дәүләт консерваториясенең Орган залында Татарстан Республикасы мәдәният учреждениеләре җитәкчеләре, Татарстан Республикасы мәдәният министрлыгы һәм Консерватория җитәкчелеге, шулай ук республика композиторлары катнашында түгәрәк өстәл булып узды.Әңгәмә Татарстанда музыка сәнгате һәм мәгариф мәсьәләләренә багышланган иде.
ТР мәдәният министрының беренче урынбасары Юлия Әдһәмова катнашучыларны сәламләде һәм профессиональ музыка белеменең мөһим ролен билгеләп үтте.
Консерваторияга визит белән килгән Гнесиннар исемендәге Россия музыка академиясе ректоры Александр Рыжинский түгәрәк өстәлнең хөрмәтле кунагы булды.
Көн тәртибендә түбәндәге сораулар каралды:
- Россиядә профессиональ музыкаль белем бирү реформасы, аның нәтиҗәләре һәм перспективалары;
- Дәүләт мәдәни сәясәтен тормышка ашыруда һәм профессиональ музыка сәнгатен үстерүдә Казан консерваториясенең роле;
- Татарстанның музыкаль мирасын популярлаштыру өлкәсендә Консерваториянең эшчәнлеге;
- Композиторлар иҗатын үстерү һәм башкалар
Спикерлар яңа федераль белем бирү стандартлары һәм Россиядә музыка белемен үстерү потенциалы турында фикер алыштылар.