Татарстанда беренче тапкыр «Җинаять һәм җәза» спектаклен татар телендә тәкъдим итәчәкләр

2021 елның 7 октябре, пәнҗешәмбе

29 октябрь Сабир Өметбаев исемендәге Минзәлә дәүләт татар драма театрында Федор Достоевский әсәре буенча куелган «Җинаять һәм җәза» спектакленең премьерасы булачак.

"Премьера Татарстан мәдәнияты тарихында әсәрнең татар телендә беренче театральләштерелеше булачак», — дип билгеләп үтте театр җитәкче Нурсибә Әдиева

Инсценировка авторы-Уфадан яшь режиссер Илсур Казакбаев.

"Спектакль тапшырылды, актерлар белән генераль караулар узды. Сәхнәгә барлыгы биш кеше чыгачак, өчесе театрның актерлары һәм мәктәпкәчә яшьтәге ике бала җәлеп ителгән»,-дип уртаклашты әдәби бүлек җитәкчесе.

Спектакль «Кече Ватан мәдәнияте» федераль программасы буенча куела. Бу премьераны шулай ук «Пушкин картасы» ияләре дә карый алачак.