Кинематография өлкәсендә проектларны гамәлгә ашыру өчен субсидия алучылар билгеле булды

Татарстан Республикасы мәдәният министрлыгы Татарстан Республикасы бюджеты исәбеннән 2021 елда кинематография өлкәсендә проектларны гамәлгә ашыруда субсидияләр алу өчен бирелгән гаризаларның нәтиҗәләрен игълан итә.

Барлыгы 9 категориядә 25 проект катнашты.

Экспертларның тәкъдимнәрен карау нәтиҗәләре буенча Комиссия кинематография өлкәсендәге проектларны гамәлгә ашыруга субсидияләр бирү турында Карар кабул итте:

• «Яшьләр арасында экстремизмга каршы профилактика һәм гражданлык-патриотик тәрбия бирүдә кыска метражлы документаль фильм» категориясендә «Юл хәрәкәте иминлеге» автоном коммерциячел булмаган оешмасының «Яшьлек лабиринты аша» проекты;         
• «Гаилә һәм гомумкешелек кыйммәтләрен пропагандалауга юнәлдерелгән тулы метражлы уен фильмы» категориясендә - «Ачык коммуникацияләр академиясе» автоном коммерциячел булмаган оешманың «Микулай» проекты;
• «Татарстанда Туган телләр һәм Халык бердәмлеге елы тематикасына багышланган анимацион кино» категориясендә «Дорога из города» бию театры» җирле иҗтимагый оешмасының «Абау. Татар телен саклаучылар» проекты;
• «Күпсанлы татарлар яши торган төбәкләрдә ватандашларның тормышы турында фильм» (гореф-гадәтләр, телне саклау, мәдәният, спорт, әйләнә-тирә һәм мохит) категориясендә «Татар яшьләре форумы» төбәкара иҗтимагый оешмасының «Белмәгән атта чабучы» проекты;
• «Идел буе Болгар дәүләтендә Ислам динен кабул итүгә 1100 ел тулуга багышланган фильм» категориясендә «Ярдәм» милли ислам хәйрия фондының «1100 ел юлда» проекты;  
• «Татарстан Республикасында гражданлык бердәмлеген, милләтара һәм конфессияара татулыкны ныгытуга юнәлдерелгән фильм» категориясендә  «Регион-кино» автоном коммерциячел булмаган оешманың  «Яңардан торгызылган изге урыннар» проекты; 
• «Татар мәдәниятенең күренекле эшлеклеләренең юбилей даталарына багышланган фильм» категориясендә «Ак калфак» татар хатын-кызлары региональ иҗтимагый оешмасының «Шәхес» проекты;
• «Татарстанның кече шәһәрләре һәм авылларында мәдәни тормыш турында фильм» категориясендә «Кинодружество» иҗат үзәге» автоном коммерциячел булмаган оешмасының “Тартылу урыны» проекты;
• «Татарстан Республикасында яшәүче халыкларның тарихы, мәдәнияте һәм гореф - гадәтләре турында фильм» категориясендә «Ак калфак» татар хатын - кызлары региональ иҗтимагый оешмасының «Тәрбия баскычлары» проекты;
• «Татарстан Республикасының матди булмаган мәдәни мирасы фильм – демонстрациясе» категориясендә «Фарватер Кино» төбәк кинематографын үстерү үзәге» коммерциячел булмаган автоном оешмасының “Татарстанның мангр урманы» проекты.