«Мәдәниятләр кушылышы» Раифа арт-фестивале башланды
З октябрьдә Раифа Богородицкий ирләр монастыре территориясендә «Мәдәниятләр кушылышы» Раифа арт-фестивале башланды. Арт-фестиваль Президент грантлары Фонды -2021 конкурсы җиңүчесе.
3 октябрьдән 12 октябрьгә кадәр иҗади лаборатория эшли. Быел иҗат лабораториясе векторы социаль юнәлешне сайлады. Фестивальнең төп тезисы 2021-мәхәббәт һәм мәрхәмәт.
Раифа 2021 фестивале лабораториясе рәссамнарга, дин һәм этномәдәнияткә карамастан, кешелеклелек кыйммәтләрен, мәхәббәт һәм мәрхәмәтлелек, өлкәннәргә карата мәрхәмәт, якыннарына карата мәхәббәт, әйләнә-тирә дөньяга мәхәббәт чагылдыра торган образлар тудырырга тәкъдим итә.
Хәзерге вакытта халык пандемия белән көрәш аркасында авыр сынаулар кичерә. Изоляция күп кешедә депрессия, ялгызлык хисе уятты. Үз-үзеңә ышану, илаһи башлангыч, киләчәккә ышаныч барлык кыенлыклар алдында көчле торырга ярдәм итә. Бер-беребезгә ярдәм итеп без барлык бәхетсезлекләрне дә җиңеп чыга алачакбыз.
Иҗади лабораториягә Удмуртия (Ижевск), Марий Эл (Йошкар-Ола), Мәскәү, Санкт-Петербург, Яр Чаллы, Казан рәссамнары киләчәк. Бу традицион һәм заманча медиатехнологияләр кулланучы алдынгы рәссамнар.
Фестиваль программасындагы иҗади лаборатория кысаларында Казан Кремлен, Болгар тарихи-архитектура музей-тыюлыгын, «Милосердие» православие ярдәм хезмәтен һәм «Ярдәм» милли ислам хәйрия фондын күрү дә кергән.
Лаборатория нәтиҗәләре буенча басма һәм электрон альбом рәвешендә "2021. Мәхәббәт һәм мәрхәмәт» мультимедия фильмы булдырылачак. Экспозиция 2021-22 елларда Казан Кремле, Болгар музей – тыюлыгы, Яшел Үзән шәһәренең Сәнгать галереясы, Марий-Эл сынлы сәнгать музее, Чуашиянең заманча сәнгать үзәге кебек әһәмиятле мәйданчыкларда тәкъдим ителәчәк.
Фестиваль Татарстан һәм Казан митрополиты Кирилл фатихасы белән үткәрелә.