Татарстан Республикасы Дәүләт сынлы сәнгать музееның хәзерге заман сәнгать Галереясендә "Архитектура-2021" Халыкара конгресс проектының фестиваль программасын тәкъдим итәчәкләр
4 июнь 13:00 сәгатьтә Татарстан Республикасы Дәүләт сынлы сәнгать музееның хәзерге заман сәнгать Галереясендә "Архитектура-2021" Халыкара конгрессы мәдәни-агарту проектының фестиваль программасын тәкъдим итү булачак. Биредә мәдәни-агарту проектының максатлары һәм бурычлары турында дискуссия узачак. Шулай ук кыска метражлы фильм үрнәкләрен күрсәтү турында, фильмнарның темалары һәм форматлары буенча фикер алышу да булачак.
Спикерлар:
Юлия Әдһәмова-Татарстан Республикасы мәдәният министрының беренче урынбасары;
Аддис Гаджиев-КиноАрхитектура конгрессы фестивале кураторы, режиссер, кино һәм театр, ТВ рәссамы, РФ кинематографистлар берлегенең кино һәм телевидение рәссамнары гильдиясе вице-президенты, Мәскәү кино мәктәбенең сәнгать программалары юнәлеше башлыгы, «РОСПРОФКИНО" сәнгать һөнәрләре департаменты җитәкчесе;
Александр Чугунов-Конгрессның иҗат программалары модераторы, «Мәдәният семиотикасы», «Архитектура һәм дизайнда менеджмент» белем бирү-агарту программалары авторы;
Екатерина Чугунова-Халыкара архитектура конгрессы директоры, Агентлыкның генераль директоры;
Екатерина Туполева-КиноАрхитектура фестиваленең яшьләр программалары координаторы, продюсер, кино һәм тв режиссеры. М.А.Литовчин исемендәге кино һәм телевидение гуманитар институтын тәмамлаган.
2021 елның сентябрендә Мәскәүдә «Архитектура-2021» Халыкара конгрессы кысаларында «Киноархитура» фестивален үткәрү планлаштырыла.
Фестиваль программасы мультимәдәни проектлардан һәм иҗади яшьләр өчен агарту программасыннан тора. Жюри составына киноиндустрия вәкилләре, архитекторлар, дизайнерлар, девелоперлар керәчәк.
Фестивальгә тәкъдим ителгән кинокартиналар түбәндәге критерийларга туры килергә тиеш: дисциплинарлык (музыка, сынлы сәнгать, скульптура, архитектура), психология (образның, архитектура рәвешләренең сыйфаты), виртуальлек (технологияләр, инновацияләр һәм экранда архитектураның визуаль сыйфаты), максатны тормышка ашыру (идеяне алга җибәрү стратегиясе һәм тактикасы, кинопроект максатларын тормышка ашыруда архитектураның роле).
Чара 4 июньдә Татарстан Республикасы Дәүләт сынлы сәнгать музееның Заманча сәнгать галереясендә (К. Маркс ур., 57) узачак.