Третьяков галереясендә Татарстан Республикасы Сынлы сәнгать музее җыелмасыннан Николай Фешин әсәрләре күргәзмәсе ачылды
Третьяков галереясендә Татарстан Республикасы Сынлы сәнгать музее җыелмасыннан Николай Фешин әсәрләре күргәзмәсе ачыла, анда рәссамның 1923 елда АКШ эмиграциягә кадәр иҗат ителгән иң зур коллекциясе саклана.
Третьяков галереясе һәм ТР Дәүләт сынлы сәнгать музееның хезмәттәшлеге нәтиҗәсендә оештырылган күргәзмә республиканың 100 еллыгына багышланган чаралар кысасында уза һәм 22 августка кадәр дәвам итә.
Күргәзмәне ачу тантанасында Третьяков галереясе директоры Зөлфирә Трегулова, Татарстан Республикасы мәдәният министры Ирада Әюпова, Татарстан Республикасы Сынлы сәнгать дәүләт музее директоры Розалия Нургалиева катнашты.
Зөлфирә Трегулова Татарстан Президенты Рөстәм Миңнеханов, ТР мәдәният министры Ирада Әюпова һәм ТР Дәүләт сынлы сәнгать музее директоры Розалия Нургалиевага рәхмәтен белдерде.
"Третьяков галереясе Татарстан Республикасы белән хезмәттәшлек турында килешүгә кул куйды. Килешү нигезендә Третьяков галереясендә ике күргәзмә оештырылды. Экспозицияләр рекордлы аудитория, нәкъ 75 мең кешене җыйды. Без өченче күргәзмәне Татарстанның сынлы сәнгать дәүләт музее җыелмасыннан кабул итәбез», - дип билгеләп үтте Третьяков галереясе директоры.
Мәскәүдә 50дән артык әсәр тәкъдим ителгән. Ике зур картина музейда беренче тапкыр күрсәтелә-"Обливание" һәм "Бойня".
Казан музее рәссамның бихисап әсәрләренә ия. Николай Фешинны иң танылган рус импрессионисты һәм рус модернының иң кыйммәтле рәссамы дип атыйлар. Аның бер картинасы аукционда 11 миллион долларга сатылган, Фешин хәтта үзенең укытучысы Илья Репинны да уздырган. Третьяков галереясе тугыз ел элек Фешинның Россиядәге һәм АКШ җыелмаларыннан әсәрләрен күрсәткән иде. Татарстанның сынлы сәнгать музеенда аның 189 хезмәте саклана.