Массакүләм мәгълүмат чаралары вәкилләре игътибарына!
Хөрмәтле хәбәрчеләр, Сезне 7 апрель көнне Татарстан Республикасы мәдәният министрлыгының конференц-залында узачак матбугат конференциясендә катнашырга чакырабыз. Матбугат чарасы агымдагы елның 7-13 июнендә Казанда узачак XV «Нәүрүз» Халыкара театр фестиваленә багышлана. Башлана 14.00 сәгатьтә.
Матбугат конференциясендә Татарстан Республикасы мәдәният министры Ирада Әюпова; "Нәүрүз" фестиваленең сәнгать җитәкчесе, Г.Камал театрының баш режиссеры, ТР Театр әһелләре берлеге рәисе Фәрит Бикчәнтәев; "Нәүрүз" фестивале директоры, Г.Камал исемендәге татар дәүләт академия театры директоры Илфир Якупов.
Аккредитация Aygul.Nadyrshina@tatar.ru һәм pr@kamalteatr.ru электрон почталары аша үткәрелә, элемтә өчен телефоннар: 264-73-98, 293-83-18, 8927-446-45-42.