Казан дәүләт мәдәният институтында "Театр атналыгы" узачак
Казан дәүләт мәдәният институты быел 22-26 мартта Бөтендөнья театр көнен бәйрәм итү уңаеннан «Театр атналыгы» үткәрә.
Иҗади проектның максаты-балалар һәм яшьләр арасында театр сәнгатен пропагандалау һәм популярлаштыру.
«Казан дәүләт мәдәният һәм сәнгать университетында театр атналыгы» проектын ачу тантанасы 2021 елның 22 мартында 16.00 сәгатьтә Казан дәүләт мәдәният институтының концертлар залында узачак.
Әлеге проектның программасында режиссура, актерлык осталыгы, сәхнә сөйләме һәм театр иҗаты буенча лекцияләр һәм мастер-класслар үткәрү, кафедра студентларының чыгарылыш һәм курс эшләрен күрсәтү, театр сәнгате өлкәсендә танылган театр эшлеклеләре белән очрашулар, түгәрәк өстәл уздыру каралган.
Беренче көнне Казан дәүләт мәдәният институты фойесында Татарстан Республикасы драма һәм курчак театрларының экспонатлары, китап күргәзмәсе оештырыла.
"Театр атналыгын" ябу тантанасы 2021 елның 26 мартында 15.00 сәгатьтә Казан дәүләт мәдәният институтының кинотеатрлар залында узачак.