"Хәзинә" милли сәнгать галереясендә ике яңа күргәзмә ачыла
«Вовлеченность» күргәзмәсе нигезендә 2019 елда «Графком» төркеме рәссамнары тарафыннан гамәлгә ашырылган уникаль акция ята. Алар басма графиканың заманчалыгы һәм үзебезнең сәнгать традицияләре, рәссамнарның сәяхәтләре һәм күчмә күргәзмәләре белән берләштерелгән. «Пространство города» дип аталган икенче күргәзмә Татарстан һәм Италиядән килгән 12 рәссамның әсәрләрен тәкъдим итә.
Күргәзмәнең кураторы сәнгать фәннәре кандидаты, Татарстан Республикасының атказанган сәнгать эшлеклесе Ольга Улемнова.
Ике күргәзмә юкка гына бергә оештырылмый – алар катнашучылар даирәсе һәм төп оештыручы – «Графком» төркеме белән берләшкән.
Әлеге күргәзмәдә тәкъдим ителгән 60 хезмәтләрдә шәһәр киңлеге төрле аспектларда ачыла: фәлсәфә, тарихи, коммеморатив, социаль, сәяси, экологик, психологик, эстетик һ.б., казанышларны, тирән кичерешләрне һәм гомумкешелек кыйммәтләрен чагылдыра, проблемаларын ача.
Рәссамнар шәһәр киңлеге темасын төрле тарихи-мәдәни һәм географик-климатик контекстларда, Көнчыгыш һәм Көнбатышның цивилизация системаларын тәкъдим итеп, аңларга тырыштылар. Нәтиҗәдә, безнең арада уртак яклар күбрәк булуын, төрле дәрәҗәләрдә, бигрәк тә иҗади киңлектә аралашуның рухи баетуга китерүен аңларга мөмкинлек бирә торган яклар ачыкланды.
Ике проект та Россия Рәссамнар берлеге һәм Россия Сәнгать академиясе тарафыннан хупланган.