Татарстанда 22 милләтнең фильмнары күрсәтеләчәк
«Татарстанда беренче тапкыр «Панорама» исеме астында Татарстан Республикасы халыклары кинофестивале узачак. Бу хакта Татарстан Республикасы мәдәният министрлыгының халыкара һәм төбәкара хезмәттәшлек бүлеге җитәкчесе Виктория Даутова матбугат конференциясендә хәбәр итте.
«Быел гадәти формат кысаларыннан чыгу һәм яңа мәйданчыклар үзләштерү мөмкинлеге бар. «Татаркино» белән уртак эш алып бару нәтиҗәсендә без үз эшчәнлегебезнең чикләрен киңәйтәбез», - диде «Татарстан Халыклары дуслыгы йорты» директоры Ирек Шәрипов. – "Без һәр муниципаль район һәм авыл җирлеге халкы өчен озак вакытлы һәм нәтиҗәле чара уңышлы дип саныйбыз. Нәкъ менә шул критерийларны без кинофестивальнең форматын эшләгәндә нигез итеп алдык".
«Татаркино» директоры Миләүшә Айтуганова Туган телләр һәм Халык бердәмлеге елына багышланган чаралар циклы турында сөйләде. Алар февральдә чуаш киносы көннәреннән башланып китәчәк. Чуаш киносы көннәре программасы белән түбәндәге сылтама буенча танышырга мөмкин: tatarkino.ru
Февраль аенда чуаш киносы көннәрен үткәрүдән тыш, март аенда планлаштырыла торган алман киносы көннәре программасы төзелә. «Панорама" планын төзегәндә без халыклар өчен мөһим булган даталарга нигезләндек. Әйтик, 26 апрельдә Марий Элда милли герой көне билгеләп үтелә. Яки, 26 майда Грузия Бәйсезлеге көне үткәрелә", - дип искәртте «Татаркино» директоры - «Төрки илләр турында аерым әйтәсем килә. Казанда 2 ел дәвамында Халыкара төрки кино фестивале үткәрелә. Бу фестиваль бөтен төрки телле халыкларны, илләрне һәм Россия регионнарын җыя. Аларның киноларын без июнь аенда күрсәтәчәкбез", - диде ул.
Бурятия Республикасы кинематографы бик уңышлы хезмәтләргә ия. Бурятия кино көннәре октябрь аенда узачак һәм Бурят теле көненә багышланачак.
Халык үзенең төп гореф-гадәтләренә тартыла, «Панорама» кысаларында күрсәтеләчәк фильмнар да менталь характерга ия.