"Казан Идел буе төбәге рус халык костюмы" күргәзмәсе ачыла
5 февраль көнне А.С.Пушкин исемендәге Мәдәният үзәгендә «Казан Идел буе рус халык костюмы» күргәзмәсен ачу тантанасы була. Күргәзмәне Татарстан Республикасының Рус милли-мәдәни берләшмәсе оештыра.
«Казан Идел буе төбәге рус крестьян костюмы» күргәзмәсе Казан губернасы һәм Татарстан АССР территориясендә XIX гасыр азагы – XX гасырның беренче яртысында яшәгән элеккеге рус киемнәре коллекциясен тәкъдим итә.
«Казан Идел буе төбәге рус крестьян костюмы» рус фольклоры үзәге проекты – үзәкнең соңгы егерме ел дәвамында алып барган фәнни-экспедиция тикшеренүләре нәтиҗәсе. Күргәзмә экспозициясе тулысы белән Казан Идел буе төбәгенең авыллары, районнары һәм өязенең рус традицион киеменең үзенчәлекләрен ача.
Экспозициягә килүчеләр рус халкының ир-ат, хатын-кыз, балалар, кышкы һәм җәйге, бәйрәм һәм көндәлек киемнәре белән таныша ала. Экспозицияне төзегәндә өйдә тукылган тукыма, кәшәкә түгәрәге, алтын тегү ысулы кулланылган. Барлык эшләр дә башлангыч үрнәкләргә туры китереп һәм тикшеренүләр нигезендә заманча осталар, реставраторлар һәм һөнәрчеләр тарафыннан башкарылган.
Күргәзмә проекты мөһим тарихи-мәдәни әһәмияткә ия һәм Татарстан Республикасы халыкларының бай мәдәни мирасына зур өлеш кертә. Алга таба проект остаханәләр, семинарлар һәм фәнни-гамәли конференцияләр үткәрү өчен белем бирү мәйданчыгы буларак кулланылыр дип көтелә.
Күргәзмә проекты Татарстан Республикасы Президенты Рөстәм Миңнеханов ярдәме белән тормышка ашырыла.
Күргәзмәне ачу тантанасы 5 февральдә А.С. Пушкин исемендәге мәдәни үзәкнең күргәзмәләр залында 15:30 сәгатьтә башлана.
Ачылу тантанасына керү чакыру билетлары буенча.
Күргәзмә 24 майга кадәр эшли. Аннан соң күргәзмә Татарстан шәһәрләрендә һәм районнарында тәкъдим ителәчәк.
Белешмәләр өчен телефон: 2-36-45.