Казанның танылган шагыйрәсе Александра Кашинага «Татарстан Республикасының атказанган сәнгать эшлеклесе» исеме бирелде
Татарстан Президенты Рөстәм Миңнеханов танылган Казан шагыйрәсе Александра Кашинага «Татарстан Республикасының атказанган сәнгать эшлеклесе» исемен бирүгә Указ имзалады. Республика башлыгының сайтында бастырылган әлеге Указда: "Әдәбият үсешенә өлеш керткәне һәм нәтиҗәле иҗади эшчәнлеге өчен", - диелгән.
Александра Кашина-шигърият форумнарында һәм күпсанлы конференцияләрдә катнашучы, «Филантроп» (Мәскәү-Женева) халыкара премиясе һәм Г.Р.Державин исемендәге Бөтенроссия әдәбият премиясе лауреаты. Меңләгән тиражлы «Кочевница сердца», «Глядя на вас», «Добро пожаловать в мою игру» дигән шигъри җыентыклар авторы.
Автор матбугатта һәм әдәби журналларда күп санлы публикацияләре, телевидениедәге чыгышлары, Россия дәүләт академия кече театры сәхнәсендә рус шигъриятен сөючеләр өчен иҗади очрашуларда катнашучы буларак билгеле.
Владимир Гаранин
Казан яшь тамашачылар театры һәм «Игелекле эшләр көне» фондының проекты Идел буе округының "Көмеш укчы" X региональ премиясе җиңүчесе булды
1 февраль 2021 ел, дүшәмбе
Казан яшь тамашачылар театры һәм «Игелекле эшләр көне» фондының 2019 елдан бирле тормышка ашырыла торган «Чикләрсез театр» уртак проекты иҗтимагый элемтәләрне үстерү өлкәсендәге «Көмеш укчы» - Идел Буеның X региональ премиясе җиңүчесе булды. Фонд җитәкчесе Рөстәм Хәсәновның авторлык проекты "Хәйрия һәм корпоратив социаль җаваплылык" номинациясендә иң яхшы дип табылды.
Проектның идеясе-күрү һәм ишетү сәләте начар булган кешеләрнең мәдәни үсеше өчен шартлар тудыру, аларны социальләштерү мөмкинлеге. «Чикләрсез театр» спектакльләрендә тамашачыларга тифлокомментатор колакчалар аша сәхнәдә булган вакыйганы (декорацияләр, эмоцияләр һәм актерларның гамәлләрен) тасвирлый, ә сурдотәрҗемәче спектакльне ишарәләр теле ярдәмендә «ишетергә» ярдәм итә.
Казан яшь тамашачылар театрында 6 спектакль - «Ибраһим әфәнде», «Кечкенә принц», «Кыргый», «Яшь алмалар», «Оскар һәм Алсу Әни» һәм «Джельсомино ялганчылар илендә» спектакльләре шулай ук җайлаштырылган. Аларны, башка тамашачылар белән беррәттән, ишетү һәм күрү сәләте начар булган 450 кеше карый алган.
Быел региональ премиягә Идел буе округының 10 регионыннан 52 проект тәкъдим ителгән. Алар арасында Түбән Новгород һәм Саратов өлкәләре, Башкортостан һәм Татарстан республикалары, Удмуртия Республикасы һәм Пермь краеннан 18 хезмәт алдынгы дип табылган.
Җиңүче видеосы: https://youtu.be/whlJFLX8-Rg?t=83