«Крутушка. Балалар» белем бирү фестиваль-этнографик сменасы башланды
16 сентябрьдә «Байтик» сәламәтләндерү-белем бирү комплексы базасында «Крутушка. Балалар» белем бирү фестиваль-этнографик сменасы старт алды, ул хәзерге заман шартларында традицион мәдәниятнең төрле аспектларын үстерү һәм популярлаштыру максатыннан булдырылган программа нигезендә эшли.
Әлеге проект – 2009 елдан башлап август айларында «Байтик» сәламәтләндерү-белем бирү комплексы территориясендә (Крутушка бистәсе, Казан шәһәре, Татарстан Республикасы) үткәрелә торган «Крутушка» Халыкара этник фестивале идеяләрен тормышка ашыруның дәвамы. Август фестивале - өч көнлек традицион мәдәният дөньясына чуму: заманча этник музыка, аутентик фольклор, мастер-класслар, һөнәрчеләр ярминкәсе, арт-проектлар, күргәзмәләр, лекцияләр, балалар программалары, театр тамашалары, кинофильмнар һәм анимация презентацияләре. Фестивальнең төп темасы - хәзерге дөньяда традицион мәдәниятне җайлаштыру һәм үстерү мәсьәләсе.
Проект кысаларында 5 чара үткәреләчәк:
Беренче чара: сменаны тантаналы ачу кысаларында катнашучы коллективларны һәм педагогик составны тәкъдир итү.
Икенче чара: «Фольклор һәм этнография», «Традицион бию һәм йолалар», «Идел буе халыкларының традицион кухнясы», «Театр һәм актерлык осталыгы», «Анимация һәм заманча технологияләр» юнәлешләре буенча педагоглар эше.
Өченче чара: Смена нәтиҗәләре буенча иҗади проектларны тәкъдир итү.
Дүртенче чара: фестиваль – традицион мәдәният һәм иҗат бәйрәме.
Бишенче чара: Смена һәм фестиваль тәмамлану.
«Крутушка. Балалар» дигән халыкара масштаблы чараны оештыру комитеты төбәкара, бөтенроссия һәм халыкара чаралар уздыру буенча бай тәҗрибәгә ия.
1994 елда нигез салынган «Байтик» Татарстан Республикасында, Россиядә, якын һәм ерак чит илләрдә киң танылган. Бу заманча балалар сәламәтләндерү комплексы гына түгел, ә төрле проектларны башлап җибәрү һәм үстерү өчен уникаль күп функцияле мәйданчык та. Балалар һәм яшүсмерләр белән эшләү системасында комплекс аерым урын алып тора, биредә ел саен алты меңнән артык бала ял итү һәм белем алу мөмкинлегенә ия.
«Байтик» казанышлары саннарда:
- Россия һәм чит ил укучылары һәм студентлары өчен 1500 дән артык профильле смена;
- төрле дәрәҗәдәге 240 фестиваль һәм конкурс;
- 100дән артык олимпиада;
- 450 дән артык команда һәм корпоратив чаралар.
Фестивальне оештыручылар: «Мәгарифтә мәгълүмати технологияләр үзәге» ҖЧҖ, «Республика балалар китапханәсе» ТР ДБМУ һәм «Татаркино» ТР ДБМУ, «Россия мәктәп укучылары хәрәкәте» иҗтимагый-дәүләт балалар-яшүсмерләр оешмасының ТР төбәк бүлеге.
Фестивальгә ярдәм итү: Федераль балалар һәм яшүсмерләр туризмы һәм туган якны өйрәнү үзәге, ТР Мәдәният министрлыгы, ТР Яшьләр эшләре министрлыгы.
Үткәрү урыны: Россия Федерациясе, Татарстан Республикасы, Казан ш., Крутушка, «Байтик».
«Байтик» сайты: https://baytik-kazan.ru
ММЧ вәкилләренә элемтә өчен: Давлетчин Илдар Локманович
Тел: +7 988 379-44-81