Төрки халыкларының XI «Нәүрүз» халыкара театр фестиваленең оештыру комитеты театрлардан гаризалар кабул итә

2013 елның 3-9 июнь көннәрендә Казанда Төрки халыкларының XI «Нәүрүз» халыкара театр фестивале узачак.

Фестиваленең оештыру комитеты «Нәүрүз»гә катнашу өчен гаризалар кабул итә.

2013 еллың 1 мартына кадәр Г.Камал театрына түбәндәге материалларны юлларга кирәк:

-         гариза,

-         тәкъдим ителгән спектакль турында мәгълүматлар (афиша, программа, аннотация, театр турында мәгълүмат, спектакль турында пресс-релиз, фото-, видеоматериаллар),

-         пьесаның инглиз һәм рус телләренә тәрҗемәләре,

-         спектакльнең тулы видеоязмасы.

Г.Камал театрының адресы: 420021, Казан, Татарстан ур., 1 йорт, Г.Камал исемендәге Татар дәүләт Академия театры, «Нәүрүз» фестивале.

Фестивальнең нигезләмәсе һәм гариза формасы http://kamalteatr.ru сайтында.

Татарстан Республикасы Мәдәният министрлыгының матбугат хезмәте