Заманча сәнгать галереясендә “Көнчыгыш кәрваны” күргәзмәсе ачыла
7 февральдә 16.00 сәгатьтә Заманча сәнгать галереясендә (Татарстан Республикасы Дәүләт сынлы сәнгать музее филиалында) “Көнчыгыш кәрваны” күргәзмәсе ачылачак.
Күргәзмәнең максаты – Үзбәкстанның күренекле рәссамнары әсәрләре белән таныштыру. Күргәзмәдә картиналар, график эшләр, декоратив-гамәли сәнгать, этник стильдәге тукыма эшләнмәләр, хәзерге чор һәм борынгы фотосурәтләр күрсәтелгән. Күргәзмә ябыласы көнне кайбер экспонатлар сатылачак.
Проект Татарстанның Дәүләт сынлы сәнгать музее, «Айсель» арт-галереясе һәм Татарстан Республикасының Үзбәк мәдәни мохтарияте тарафыннан Татарстан Республикасы мәдәният министрлыгы, Татарстан Республикасы Халыклар ассамблеясе, Сәмәркандның Сәнгать академиясе һәм Рәссамнарның иҗади берлеге ярдәме белән оештырылды.
Күргәзмә 7 февральдән 8 мартка кадәр дәвам итәчәк.
Өстәмә мәгълүмат: PR-служба 245-10-08, 238-43-27, PR-museum@ya.ru.
Татарстан Республикасы Мәдәният министрлыгының Матбугат хезмәте