1941-1945 еллардагы Бөек Ватан сугышы Музей-мемориалында 1 мартта яңа экспозицияне тәкъдир итү булачак
Яңартылган экспозицияне ачу тантанасында ТР мәдәният министры Ирада Әюпова катнашачак.
Күргәзмәгә татарстанлыларның сугышчан һәм хезмәт батырлыклары, сугыш турында хәтерне саклау турында материаллар, шулай ук сугышта катнашучылар һәм тыл хезмәтчәннәре, эзтабар оешмалар тарафыннан тапшырылган яңа экспонатлар тупланды.
Экспозицияне әзерләү барышында күләмле эш башкарылган, алар Татарстанның фашизмны җиңүгә керткән өлешен яңача күрсәтергә мөмкинлек бирде.
Күләмле композицияләр, интерьер комплекслары һәм интерактив зоналар өчен декорацияләр һәм макетлар, Кызыл армия сугышчыларының кием-салым һәм кирәк-яраклары әзерләнгән. Экспозициянең дизайнер чишелеше һәм заманча музей технологияләре татарстанлылар катнашкан сугышлар хәрәкәтләре белән танышырга мөмкинлек бирә. Килүчеләр блиндажда була, фронт хатларын укый, хәрби мотоциклда утыра һәм 1945 елның 9 маенда Җиңүне каршы алган якташларының шатлыклы йөзләрен күрә алачак.
Экспозициянең һәр бүлеге Татарстан Республикасы Бөек Ватан сугышы Виртуаль музееның тематик ресурсы белән ныгытылган (tatfrontu.ru). Аның нигезендә эшләнгән электрон терминаллар һәм оригиналь электрон станцияләр музейның мәгълүмати эчтәлеген шактый киңәйтергә мөмкинлек бирде.
Яңа экспозиция төрле яшьтәге кешеләрне мөстәкыйль белем алырга, Россия тарихы һәм татарстанлыларның фашист илбасарларын җиңүгә керткән өлеше турында күбрәк белергә, тарихи аң һәм патриотизм формалаштыруга ярдәм итүгә юнәлдерелгән.
Аудиогид кушымтасы музей белән шәхси танышу өчен WI-FIга тоташырга мөмкинлек бирәчәк.