«Татарстан Республикасы халыкларының матди булмаган мәдәнияте объектлары буларак халык календарь бәйрәмнәре” темасына түгәрәк өстәл узачак
23 ноябрьдә 10.00 сәгатьтә Татарстан Республикасы Мәдәният министрлыгында “Татарстан Республикасы халыкларының матди булмаган мәдәнияте объектлары буларак халык календарь бәйрәмнәре” темасына түгәрәк өстәл узачак.
Түгәрәк өстәлнең максаты – халыкларның матди булмаган мәдәнияте һәм традицияләренең җәмгыятьтә кыйммәт буларак танылуына ирешү юлларын табу; Татарстан Республикасы халыкларының матди булмаган мәдәни объектлары реестрын төзүгә булышлык күрсәтү; халык традицияләрен хәзерге заманда бәйрәмнәр уздыруда файдалануның иң отышлы моделен эзләү.
Түгәрәк өстәлдә фольклорчылар, этнографлар, милли-мәдәни оешмалар җитәкчеләре һәм республикада милли бәйрәмнәр уздыру белән шөгыльләнүчеләр катнашачак.
Элемтә өчен телефон: 8(843) 292-00-39, 292-30-73
Татарстан Республикасы Мәдәният министрлыгының Матбугат хезмәте