Татарстан Республикасы Министрлыклары Татарстан Республикасы Мәдәният министрлыгы

Минтимер Шәймиев җитәкчелегендәге Татарстан делегациясе Луврда һәм Версальдә булды

2012 елның 12 июле, пәнҗешәмбе

11 июльдә Татарстан Республикасы Дәүләт Киңәшчесе Минтимер Шәймиев җитәкчелегендәге Татарстан делегациясе Лувр музеенда һәм Версаль сарай-парк ансамблендә булды.
Көннең беренче яртысында делегация Лувр музееның реставрация остаханәсендә булды һәм аның директоры Мария Лавандье ханым белән очрашты.
Мария Лавандье Луврда музей, мәгариф (Лувр каршында махсус сәнгать мәктәбе эшли), фәнни (тикшеренү остаханәләре) һәм реставрация эшчәнлеге алып барылуы турында сөйләде.
Минтимер Шәймиев материалларның килеп чыгышын, композициясен, составын, датасын һәм сәнгать әсәрләренең чынлыгын ачыклау җайланмалары белән танышты.
Делегацияне король Людовик XIV заманына караган үтә нәфис эшләнешле йорт җиһазларын реставрацияләү методлары белән дә таныштырдылар.
Шул ук көнне Минтимер Шәймиев Франция Мәдәният министрлыгының Мәдәни мирасны саклау департаменты директоры Бруно Фавель белән очрашты.
Версаль сарай-парк ансамблендә Минтимер Шәймиев Версаль президенты кабинеты директоры Оливье Жоссе һәм ансамбльнең баш архитекторы Пьер-Андре Лаблод белән күреште.

Татарстан Республикасы Мәдәният министрлыгының Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы мәдәният министрының музейлар көне уңаеннан котлавы

Хөрмәтле Татарстан музейлары хезмәткәрләре! Сезне Халыкара музейлар көне белән котлыйм! Бу көн – тирән һөнәри белемнәрне генә түгел, рухи байлык, дөнья тарихына һәм сәнгатькә булган олы мәхәббәтне тану һәм бәяләү символы.

май, 2026 ел

Казан халыкара «Алтын мөнбәр» кинофестивале эчендә милли конкурс узачак

2026 елның 4-8 сентябрендә Татарстан башкаласында XXII Казан халыкара «Алтын мөнбәр» кинофестивале узачак. Ул яшәү дәверендә кинематографик дөньяның танылган мәдәни вакыйгасына әверелде. Күренекле режиссерларның иң яхшы фильмнары ел саен әлеге кинофорум кысаларында күрсәтелә. Тулы метражлы, документаль һәм анимацион фильмга номинацияләр белән беррәттән, «Алтын минбар» фестивале Иң яхшы милли фильмнарны сайлый.

Казан Кремлендә Бөтенроссия «Музейлар төне» акциясе узачак

2026 елның 16 мае, шимбә көнне, Казан Кремле кунакларны һәм шәһәр халкын Бөтенроссия «Музейлар төне» акциясенә чакыра. Акциянең темасы — «Туган», бу Россия халыклары бердәмлеге елын үткәрү белән аваздаш. Акция 17:30 сәгатьтә «Аллея кунаклары» дигән бушлай спектакль белән башланып, квестлар, экскурсияләр, остаханәләр һәм башка интерактивлар белән Казан Кремле музейларында һәм күргәзмә залларында 23:00 сәгатькә кадәр дәвам итәчәк. «Музейлар төне»нең тулы программасы белән сайтта танышырга чакырабыз.

ТР Милли китапханәсе Бөтенроссия китапханәләр көненә багышланган бәйрәм программасына чакыра

27 майда илебезнең барлык китапханә хезмәткәрләре үзләренең һөнәри бәйрәмнәрен билгеләп үтәчәкләр. Бөтенроссия китапханәләр көне Россия Президентының 1995 елның 27 маендагы Указы белән булдырылган. Бу дата илнең беренче дәүләт китапханәсе – Император публик китапханәсе (хәзерге Россия милли китапханәсе) нигезләнгән көнгә – 1795 елның 27 маена багышлап алынган.

ЯҢАЛЫКЛАРГА ЯЗЫЛУ