Казан дәүләт мәдәният институтында “Илһамият” Халыкара сөйләм һәм вокал сәнгате фестиваль – конкурсы узачак

2018 елның 8-9 декабрендә «Казан дәүләт мәдәният институты» Халыкара сөйләм һәм вокал сәнгате буенча фестиваль – конкурс үткәрә.

«Илһамият» фестиваль-конкурсын Казан дәүләт мәдәният институтының театр факультеты оештыра.

Фестивальнең максаты:

- татар телен һәм әдәбиятын, халык җырларын, татар язучылары һәм шагыйрьләренең әсәрләрен пропагандалауга, өйрәнүгә һәм популярлаштыруга булышлык күрсәтү.

Фестивальнең бурычлары:

-  сәләтле балаларны һәм  яшьләрне ачыклау, аларга ярдәм итү;

- Республиканың татар язучылары, шагыйрьләре һәм композиторларының иҗаты үрнәгендә балаларда ватанпәрвәрлек һәм милли үзаң тәрбияләү;

- сәнгать зәвыгын формалаштыру;

- туган телгә сакчыл мөнәсәбәт, милли авторларның әсәрләрен пропагандалауны актуальләштерү.

Җаваплы хезмәткәр - режиссура һәм актерлык осталыгы һәм татар театр эстрадасы кафедрасы профессоры, Россия Федерациясенең атказанган артисты һәм Татарстан Республикасының халык артисты Хамматова Эльмира Мифтах кызы (телефон: 8-927-439-70-43), электрон адрес: ilhamiyat@mail.ru