Казанның Үзәк шәһәр китапханәсендә “Будапешт күперләре” күргәзмәсе ачылды

2018 елның 27 ноябре, сишәмбе

26 ноябрь көнне Казанның Үзәк шәһәр китапханәсендә Венгриянең Казандагы Генераль консулы Адам Штифтер катнашында  “Будапешт күперләре” күргәзмәсе ачылды.

Күргәзмәне ачу тантанасы алдыннан китапханәдә экскурсия оештырылды. Аны эчтәлекле аңлатмалар белән китапханә мөдире Оксана Исаева үткәрде. Ул оешманың агымдагы эше һәм кайбер перспективалар турында сөйләде.

Күргәзмә урнаштырылган залда венгер  халык музыкасы яңгырады.

Очрашу гомуми фотография һәм формаль булмаган аралашу белән тәмамланды, аның барышында Венгрия һәм Татарстан арасында мәдәният өлкәсендәге  хезмәттәшлек мөмкинлекләре турында фикер алыштылар.