“Красная звезда” иҗат берләшмәсе” ААҖ “Яңа Йолдыз” Бөтенроссия вокал конкурсының дүртенче сезонын төшерү эшенә кереште
Россия Федерациясе Оборона министрлыгы ярдәме белән «ЗВЕЗДА» телеканалы “Яңа Йолдыз” Бөтенроссия вокал конкурсының дүртенче сезонын төшерүгә кереште. “Яңа йолдыз” - масштаблы музыкаль ярыш, анда Россия Федерациясенең барлык федераль округлары вәкилләре катнаша. Конкурс мәйданчыгында төрле төбәкләрдән килгән иң сәләтле башкаручылар җыелачак. Проектта Татарстан Республикасы данын җырчы Сайфуллина Мая яклаячак. Конкурста катнашучылар турында тулырак мәгълүматны телеканалның рәсми сайтында табарга була. Конкурсның беренче туры эфирлары 2018 елның 23-30 декабрендә күрсәтеләчәк. Ярымфиналлар һәм финал чыгышлары 2019 елның 2-4 гыйнварына планлаштырылган. Бу чорда телевизор караучылар арасында тавыш бирү узачак.
“Яңа Йолдыз” бәйгесендә ике җиңүче билгеләнә. Призларны тапшыру ике этапта узачак. 4 гыйнварда жюри фикере буенча иң яхшы башкаручыны бүләкләү булачак. 7 гыйнварда бөтен ил тамашачылары тавыш биреп ачыкланган иң яхшы башкаручыны игълан итәчәкләр.
«Яңа йолдыз» проектының төп максаты - илебезнең төрле төбәкләрендә яшәүче иң сәләтле тавыш ияләрен ачыклау һәм аларны күрсәтү, шул рәвешле илебезнең төрлелеген ассызыклау.
Белешмәләр өчен телефон: +7 (495) 645-92-89, +7 (903)128-46-01