Василий Аксенов музей-йортында «Теләкләр үтәүче ступа» фотокүргәзмәсе ачыла

17 февральдә 17.00 сәгатьтә Василий Аксенов музей-йортында «Теләкләр үтәүче ступа» фотокүргәзмәсе ачыла. Экспозиция Россиянең күп кенә шәһәрләрендә булачак.
Күргәзмәдә Азия һәм Европа ступаларында булып кайткан күренекле фотографларның, сәяхәтчеләрнең эшләре куелган. Фотографияләрдә Тибет, Непал, Һиндстан һәм Европа ступалары тасвирланган. Күргәзмәдә шулай ук Моркидагы (Марий Эл Республикасы) Просветление Ступасы макеты куелган, күргәзмә шушы ступаны төзүгә ярдәм йөзеннән оештырылган. Күргәзмәгә килүчеләргә шулай ук төрле ступалар, аларның символикасы турында лекцияләр сөйләнәчәк, буддачылык мәдәнияте турында фильмнар күрсәтеләчәк.
Проект «Гималайның мәдәни мирасы» халыкара иҗтимагый оешмасы тарафыннан булдырылган, бу оешманың максаты – Үзәк Азия халыкларының мәдәни-тарихи традицияләрен саклап калу һәм аның белән таныштыру.
Хөрмәтле журналисты!
17 февральдә 16.00 сәгатьтә (күргәзмә ачылыр алдыннан) оештыручылар катнашында матбугат конференциясе булачак.
Күргәзмә 17 февральдән 8 мартка кадәр дәвам итә.