«Мир» кинотеатрында «Генерал Тимерҗановның сугышы һәм солыхы» фильмы премьерасы була

20 – 22 февральдә Татарстан Республикасы Мәдәният министрлыгы инициативасы белән «Генерал Тимерҗановның сугышы һәм солыхы» документаль фильмының республика премьерасы булачак. Фильм «ИМАН» продюсерлык үзәге тарафыннан 2011 елда режиссер-оператор Николай Морозов һәм продюсер Кузьма Морозов җитәкчелегендә төшерелгән.
20 февральдә премьера бер үк вакытта Казанда («Мир» кинотеатрында 18.00 сәгатьтә), Чаллыда, Түбән Камада һәм Бөгелмәдә була. 21 һәм 22 февральдә картина республиканың башка районнарында күрсәтелә.
17 февральдә 14.00 сәгатьтә «Татмедиа» агентлыгында фильм журналистлар өчен күрсәтеләчәк һәм картина авторлары, Эчке эшләр министрлыгы вәкилләре һәм «Татаркино» ДУ вәкилләре белән матбугат конференциясе уздырылачак.
Фильм авторлары: режиссер Николай Морозов, сценарий авторлары Элина Насибуллина, Александра Сенчукова, оператор Николай Морозов, операторлар төркеме: Евгений Ямашев, Рөстәм Вәлиев, тавыш режиссеры Игорь Сиденко, редактор Дмитрий Хохлов, монтаж Рөстәм Вәлиев, фильмның директоры Алена Кириллова, продюсеры Кузьма Морозов.
Фильмның герое Ринат Тимерҗанов озак еллар дәвамында Татарстан Республикасы буенча эчке эшләр министры урынбасары була, ә 2011 елдан Алтай крае эчке эшләр министры итеп билгеләнә. 1998 елда Татарстан Республикасы буенча Эчке эшләр министрлыгының криминаль милиция башлыгы вазыйфасына билгеләп куелгач, нәкъ менә ул республикада шул чакта кискенләшеп киткән криминаль хәлне нормальләштерүгә бик зур өлеш кертә.