«Манеж» Юлия Вишневскаяның уникаль курчаклар коллекциясен күрсәтәчәк

10 февральдә 15.00 сәгатьтә «Манеж» күргәзмәләр залында Юлия Вишневскаяның Уникаль Курчаклар Музее коллекциясеннән “Нәкъ менә шул курчак” дигән антиквар курчаклар күргәзмәсе ачылачак.
Күргәзмәне Татарстан Республикасы Мәдәният министрлыгы, “Казан Кремле” дәүләт тарих-архитектура һәм сәнгать музей-тыюлыгы, Юлия Вишневскаяның Уникаль Курчаклар Музее оештыра.
Күргәзмә экспозициясенә “Казан Кремле” музей-тыюлыгы фондыннан һәм шәхси тупланмалардан кайбер әйберләр – фотосурәтләр, сәгатьләр, челтәр, төрле кием–бизәнү әйберләре – куелды.
Күргәзмәдә XIX – XX гасырның икенче яртысында Англия, Германия, Япония, АКШ, Италия, Россия, Франция осталары җитештергән 150 дән артык уникаль экспонат куелган. Алар арасында атаклы француз “курчакчысы” Пьер Жюмо, курчак ясау осталары өчен “алтын чор” – XX гасырда эшләнгән курчаклар, Англия һәм Германия курчак йортларында җитештерелгән гүзәл курчаклар, һәм, әлбәттә, совет балаларының 60-еллар буыны хыялы – Суок курчаклары бар.
Уникаль Курчаклар Музее 1996 елда коллекционер һәм театр рәссамы Юлия Вишневская тарафыннан 1996 елда ачылган.
Курчак иле буйлап Курчаклар Тылсымчысы олылар һәм балалар өчен интерактив экскурция уздырачак.
Белешмәләр өчен телефон: 5678-067, 5678-068