24 майда Казанда «Халык мәхәббәте лауреаты» бәйрәме узачак

2018 елның 22 мае, сишәмбе

24 май көнне композитор Салих Сәйдәшев һәйкәле янында, Филология һәм мәдәниятара коммуникацияләр Институты бинасы каршындагы мәйданда 4нче тапкыр «Халык мәхәббәте лауреаты» бәйрәме үткәрелә. Билгеле булганча,  чара күренекле композитор истәлегенә багышлана, Салих Сәйдәшевның мирасына чиксез мәхәббәтне тагын бер кат раслый. Моннан тыш, бәйрәм  - Татарстандагы профессиональ музыка казанышларын күрсәтү мәйданчыгы булып тора.

Проектның авторы һәм режиссеры -  Россиянең халык артисты, профессор, “Сәйдәш” концерт үзәге директорының  мәдәният һәм сәнгать буенча урынбасары  Лима Галиевна Кустабаева.

Бәйрәмдә  күренекле башкаручылар, республика һәм муниципаль  коллективлар, театрлар, уку йортлары һәм иҗади берлекләр катнаша:

• Н.Җиһанов исемендәге Казан дәүләт консерваториясе
• Казан федераль университеты
• Казан дәүләт мәдәният институты
• И.В.Әүхадиев исемендәге Казан музыка көллияте
• Г.Камал исемендәге дәүләт академия театры
• К.Тинчурин исемендәге драма театры
• Г.Тукай исемендәге дәүләт филармониясе
•  «Ля Примавера» камера  оркестры
•  «Фантазия» хатын-кызлар джаз-оркестры
•  «Казан нуры» халык инструментлары оркестры
•  «Сәйдәш» мәдәни үзәге
• «Сәйдәш» халык бию театры
•  «Казан» милли-мәдәни үзәге
• С.Сәйдәшев исемендәге балалар музыка мәктәбе
• Россия һәм Татарстанның халык артисты Зилә Сөнгатуллина
• Россиянең атказанган артисты Илдүс Әхмәтҗанов
• Татарстанның халык артистлары Римма Ибраһимова, Рафаэль Сәхәбиев     
• Рөстәм Маликов, Мингол Галеев,
• Татарстанның атказанган артистлары Айдар Габдинов, Рөстәм Асаев, Гөлшат Имамиева, «Зөләйлә» триосы һ.б.