4нче май көнне Алабугада тынлы һәм бәрмә инструментларда уйнаучылар арасында Республика конкурсы үткәреләчәк
Тынлы һәм бәрмә инструментларда уйнаучылар арасында ел саен үткәрелүче Республика конкурсы тынлы һәм инструменталь музыканы популярлаштыру, ансамбль башкаруы дәрәҗәсен күтәрү максатын күздә тота.
Конкурсны гамәлгә куючылар:
- Татарстан Республикасы Мәдәният министрлыгы;
- Мәдәният һәм сәнгать укыту учрежденияләре буенча Республика методика үзәге;
- Алабуга муниципаль районы, 2нче санлы Балалар музыка мәктәбенең Эстрада-тынлы оркестры.
Конкурста балалар музыка мәктәпләре, сәнгать мәктәпләрендә укучылар, һөнәри белем бирү оешмаларының 20 яшькә кадәрле студентлары катнаша.
Иҗади өлеш ике номинация буенча үткәрелә:
- тынлы инструментлар ансамбльләре;
- тынлы инструментлар оркестрлары.
Конкурста Татарстан Республикасының шәһәр һәм районнарыннан килгән 250 яшь музыкант катнашачак: Алабуга, Түбән Кама, Зәй, Чаллы, Кукмара, Кама Аланы, Азнакай, Мамадыш, Чистай, Җәлил.
Жюри рәисе – ТРның атказанган артисты, укытучы, Н.Г.Җиһанов исемендәге Казан Дәүләт конвсерваториясе каршындагы урта махсус музыка мәктәбенең тынлы һәм халык инструментлары бүлеге җитәкчесе Деликатный Д.С.
Чараны уздыру урыны: Алабуга шәһәре, Шәһәр мәдәният сарае (Нефтяниклар пр., 24нче йорт)
Башлану вакыты - 13.00.