“Идел-Урал төркиләренең мәдәни һәм үзара ярдәмләшү җәмгыяте” рәисе Гөлтан Ураллы Татарстан Республикасы мәдәният министры Айрат Сибагәтуллинга рәхмәт белдерде

Хөрмәтле Айрат Миңнемулла улы!
Без – Төркия Республикасының Истанбул шәһәрендә дәүләтнеке булмаган оешма рәвешендә төзелгән һәм дәүләт органнарында теркәлгән, үз эшчәнлеген гамәлдәге законнар кысаларында алып баручы “Идел-Урал төркиләренең мәдәни һәм үзара ярдәмләшү җәмгыяте” вәкилләре. Безнең җәмгыятебез Төркиядә бик күптәннән гамәлдә, анда татар-башкорт диаспорасының бик күп вәкиле әгъза булып тора.
Сезгә һәм Татарстан Хөкүмәтенә безнең җәмгыятебезгә Габдулла Тукайның 125 еллыгы уңаеннан 2011 елның 24 апрелендә Истанбул шәһәрендә узган иҗат кичәсен, шулай ук бөек татар шагыйре елына багышланган башка барлык чараларны оештыруда һәм уздыруда булышлык һәм ярдәм күрсәтүегез өчен ихлас рәхмәт хисләребезне җиткерәбез.
Сез җитәкләгән Татарстан Республикасы Мәдәният министрлыгы, Татарстан вәкиллеге ярдәме белән җәмгыятебез Төркия Республикасында татар мәдәниятен танытуны һәм үстерүне киләчәктә дә дәвам итәр, һәм аны яшь буынга тапшыру аша бөтен дөньяда тынычлык урнаштыру эшенә үз өлешен кертер, дип ышанабыз. Шуның белән бәйле рәвештә, киләчәктә дә ярдәмегездән ташламавыгызны үтенәбез.
Хөрмәт белән,
“Идел-Урал төркиләренең мәдәни һәм үзара ярдәмләшү җәмгыяте” исеменнән,
жәмгыять Рәисе Гөлтан Ураллы,
Идарә әгъзалары:
Якуб Акчура
Бүләнт Аблай
Һидаят Җаек
Атилла Кюнтюз
Яшәр Байтак
Кимәл Акчин