“Эрмитаж-Казан” үзәгендә Казанда беренче буларак пыялачы-рәссамнар династиясенең уникаль күргәзмәсе уздырыла

Үзенчәлекле сәнгать эшләнмәләренең авторлары – пыялачы-рәссамнар династиясе вәкилләре: Александр Фокин, Антон Фокин, Таисия Фокина һәм Анна Вишнякова.
Әлеге гаилә Пенза өлкәсенең кечкенә генә Никольск шәһәреннән чыккан. Бу – Россиянең пыяла җитештерү буенча иң борынгы үзәкләреннән берсе. Анда атаклы Николо-Бахметьево бәллүр җитештерү заводы – «Кызыл гигант» урнашкан. Ике ярым гасыр дәвамында биредәге халык пыяла һәм бәллүр җитештерү белән шөгыльләнә.
Яңа елда бүләк бирү гадәткә кергән – күргәзмәгә килгән һәр кешегә пыяла эшләнмә бүләк ителәчәк.