Татарстан Республикасы Министрлыклары Татарстан Республикасы Мәдәният министрлыгы

Төркиядә Татарстан студентларының традицион очрашулары булды

2011 елның 1 декабре, пәнҗешәмбе

25 ноябрьдә Истанбул шәһәрендә һәм 26 ноябрьдә Әнкарә шәһәрендә Татарстанның Төркиядәге вәкиллеге бу илнең югары уку йортларында белем алучы Татарстан студентлары белән очрашулар уздырды.
Чаралар кысаларында ел йомгаклары, КВН конкурсларын, Мәдәният көннәрен, Сабантуй һәм Нәүрүз бәйрәмнәрен, Габдулла Тукайның туган көнен, Туган тел, милли ризыклар көннәрен, татар теле курсларын оештыру һәм Төркия Республикасында яшәүче ватандашлар белән бергә уртак башка чаралар уздыру буенча фикер алышулар булды.
Очрашулар вакытында Татарстан студентлары ихтыяҗларын канәгатьләндерү һәм киләчәктә аларны эш белән тәэмин итү белән бәйле әһәмиятле мәсьәләләр каралды. 2010-2011 уку елы йомгаклары буенча алдынгы студентларга Татарстан Сәүдә йорты дипломнары һәм стипендияләре тапшырылды.

Татарстан Республикасы Мәдәният министрлыгының Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

Татарстан Республикасы мәдәният министрының музейлар көне уңаеннан котлавы

Хөрмәтле Татарстан музейлары хезмәткәрләре! Сезне Халыкара музейлар көне белән котлыйм! Бу көн – тирән һөнәри белемнәрне генә түгел, рухи байлык, дөнья тарихына һәм сәнгатькә булган олы мәхәббәтне тану һәм бәяләү символы.

май, 2026 ел

Казан халыкара «Алтын мөнбәр» кинофестивале эчендә милли конкурс узачак

2026 елның 4-8 сентябрендә Татарстан башкаласында XXII Казан халыкара «Алтын мөнбәр» кинофестивале узачак. Ул яшәү дәверендә кинематографик дөньяның танылган мәдәни вакыйгасына әверелде. Күренекле режиссерларның иң яхшы фильмнары ел саен әлеге кинофорум кысаларында күрсәтелә. Тулы метражлы, документаль һәм анимацион фильмга номинацияләр белән беррәттән, «Алтын минбар» фестивале Иң яхшы милли фильмнарны сайлый.

Казан Кремлендә Бөтенроссия «Музейлар төне» акциясе узачак

2026 елның 16 мае, шимбә көнне, Казан Кремле кунакларны һәм шәһәр халкын Бөтенроссия «Музейлар төне» акциясенә чакыра. Акциянең темасы — «Туган», бу Россия халыклары бердәмлеге елын үткәрү белән аваздаш. Акция 17:30 сәгатьтә «Аллея кунаклары» дигән бушлай спектакль белән башланып, квестлар, экскурсияләр, остаханәләр һәм башка интерактивлар белән Казан Кремле музейларында һәм күргәзмә залларында 23:00 сәгатькә кадәр дәвам итәчәк. «Музейлар төне»нең тулы программасы белән сайтта танышырга чакырабыз.

ТР Милли китапханәсе Бөтенроссия китапханәләр көненә багышланган бәйрәм программасына чакыра

27 майда илебезнең барлык китапханә хезмәткәрләре үзләренең һөнәри бәйрәмнәрен билгеләп үтәчәкләр. Бөтенроссия китапханәләр көне Россия Президентының 1995 елның 27 маендагы Указы белән булдырылган. Бу дата илнең беренче дәүләт китапханәсе – Император публик китапханәсе (хәзерге Россия милли китапханәсе) нигезләнгән көнгә – 1795 елның 27 маена багышлап алынган.

ЯҢАЛЫКЛАРГА ЯЗЫЛУ