Сукырлар китапханәсе белгечләре күзләре күрмәү сәбәпле инвалидлык алган яшь кешеләрнең «Хәрәкәттә бәрәкәт» өлкә форумында катнаша

Форум эше барышында Татарстан Республикасы Сукырлар өчен республика махсус китапханәсенең (ТР СРМК) махсус цифр технологияләре һәм нәшрият эше бүлеге һәм китапханә процессларын автоматлаштыру бүлеге белгечләре (Альберт Вәлиев, Тәлгать Исхаков) Ульяновск өлкәсенең сукырлар өчен махсус китапханәсе серверында Татарстан Республикасы Сукырлар өчен республика махсус китапханәсе тарафыннан булдырылган криптосаклагычлы китаплар аудиофондын (Электрон форматта татар телендәге китаплар аудиокитапханәсе) тулыландырачак.
ТР СРМК күп еллар дәвамында Ульяновск өлкәсенең сукырлар өчен махсус китапханәсе белән тыгыз хезмәттәшлек итә. Китапханәара абонемент аша татар телендә кассеталарга яздырылган “сөйләшә торган” китаплар җибәрелә. Күзләре күрми торган кешеләр, реабилитация чарасы буларак, китаплар тыңлау өчен махсус магнитофоннардан файдаланалар.
Соңгы биш елда инвалидлар “сөйләшә торган” китапларны уку өчен «тифлофлешплеер» дип аталган яңа җайланмалар кулланалар. Мондый җайланмалар ияләренә китапны махсус программа буенча яздырып бирәләр.
Шулай ук семинар-тренингларның берсендә ТР СРМК ның GPS-навигация буенча белгечләре Эдуард Ибраһимов һәм Марсель Гайфуллин «Күзләре күрми торган кешеләрнең көндәлек тормышында яңа технологияләр. GPS-навигация» дигән мастер-класс уздыра.
Татарстан Республикасы Мәдәният министрлыгының матбугат хезмәте