ЯҢАЛЫКЛАР
Җиңү көне алдыннан 2022 елның 5 маенда 16:00 сәгатьтә ТР Дәүләт сынлы сәнгать музееның "Хәзинә" милли сәнгать галереясендә хәрби тематика белән берләштерелгән өч экспозиция ачыла - Александр Печерский фонды тарафыннан тәкъдим ителгән Аксельрод әсәрләре буенча "Немец оккупациясе" күргәзмәсе, 1941-1943 ел балаларының рәсемнәр күргәзмәсе, шулай ук сугыш вакытында яшәгән рәссамнар әсәрләренең "һәм яңадан май..." экспозициясе.
Бәйрәм 1982 елда ЮНЕСКО тарафыннан гамәлгә кертелгән һәм барлык төр биюләргә багышланган. 29 апрельне сайлау очраклы түгел: бу көнне француз балетмейстеры Жан-Жорж Новерра (1727-1810) туган.
Заманча бию зур популярлык казана - Казанда гына да өч дистә стиль һәм заманча бию юнәлешләренә өйрәнергә була. Республика башкаласында ике йөздән артык бию студиясе һәм мәктәпләре эшли. Бу Татарстанның иң алга киткән креатив индустрияләренең берсе. Барыгызны да һөнәри бәйрәм белән котлыйбыз! Сезгә иҗади уңышлар, көч, энергия һәм кызыклы проектлар телибез.
Бүген Татар-информ агентлыгында узган матбугат конференциясендә мәдәният министры урынбасары Юлия Әдһәмова Татарстанда “Пушкин картасы” программасын гамәлгә ашыру турында сөйләде.
Мәсәлән, республика максатчан аудиториянең гомуми саныннан Пушкин карталарын алучылар саны буенча алдынгылар рәтендә - 60 % артык. Татарстанда 14 яшьтән 22 яшькә кадәр барлыгы 205 494 кеше Пушкин картасын алган.
28 апрель көнне Чехов урамындагы 6а номерлы йортта академик Петр Кирпичников хөрмәтенә мемориаль такта ачылды. Чирек гасырга якын Советлар Союзының иң эре югары уку йортларыннан берсе булган Казан химия-технология институтын җитәкләгән кешене искә алырга дип дуслары, хезмәттәшләре, төрле буын укытучылары һәм галимнәр килгән иде.
МТС компаниясе мәдәният өлкәсендә кадрлар үстерүдә социаль проект оештырды. Идел буе абитуриентлары өчен ГИТИСта онлайн-тыңлаулар оештырылды. Яшәү урыныннан читкә чыкмыйча гына, илнең иң эре театры иҗади сынауларында югары уку йортына Татарстаннан 37 өлкән сыйныф укучысы һәм чыгарылыш сыйныф укучылары үзләрен сынап карый алдылар. Нәтиҗәдә, беренче сынауны уңышлы үткән казанлы Егор Уланов ГИТИСка кергәндә өстенлек алачак.
Татарстан «Пушкин картасы буенча май бәйрәмнәре» акциясендә катнаша.
Программага театраль премьералар, концертлар, күргәзмәләр кергән, Татарстан музей-тыюлыкларында туристлык сезонын башлау һәм башка чаралар каралган.
Республиканың күп кенә музейларында балалар һәм өлкәннәр өчен мәдәни-белем бирү чаралары башланды.https://mincult.tatarstan.ru/file/mincult/
30 апрельдән 10 майга кадәр "Пушкин картасы" буенча нинди чаралар күрергә мөмкинлеген ПРОГРАММА дан белерсез.
1 майдан 10 майга кадәр «Казан Кремле» Музей-тыюлыгында Бөек Ватан сугышында Җиңүнең 77 еллыгына багышланган бәйрәм чаралары узачак.
Тулы программа:
Татарстан Республикасыннан фестивальдә проектның төбәк этабында җиңүчеләр катнашты:
«Экспромт» халык музыка-драма театры («Мәдәни-ял итү үзәге» МБМУ, П.Ершов әкияте мотивлары буенча «Конек-Горбунок» постановкасы, «Иң яхшы яшьләр спектакле» номинациясендә) - 7 урын яулады.
«Сәхнәдәш» театр коллективы («Әтнә балалар сәнгать мәктәбе» балаларга белем бирү МБУ, «Урмандагы тамаша» спектакле, Л.Леронның «Урманда тамаша» пьесасы буенча, «Иң яхшы балалар спектакле» номинациясендә 9 нчы урынны алды.
2022елның 28 апрелендә Ижауда Удмуртия Республикасының Дәүләт милли театрында «Театраль Идел буе» фестивалендә җиңүчеләрне бүләкләү тантанасы булды. Чарада РФ Президентының Идел буе федераль округындагы Тулы вәкаләтле вәкиле Игорь Комаров, Удмуртия Республикасы башлыгы Александр Бречалов, «Луидор» компаниясе генераль директоры - Фестиваль партнеры, Идел буе федераль округы гражданлык җәмгыяте институтлары үсешенә ярдәм итү фонды Советы әгъзасы Сергей Гусев, театр һәм җәмәгать эшлеклеләре, педагоглар катнашты. Трансляцияне Культура.РФ федераль порталында карарга мөмкин.
Тантана азагында «Корова» яшьләр спектаклен күрсәтелде.
4 май 18.30 сәгатьтә Габдулла Тукай исемендәге Татар дәүләт филармониясе сәхнәсендә Алексей Мельниковның (фортепиано) “Гасырлар музыкасы. Романтизм” дип аталган концерты узачак.
Алексей Мельников - Россиянең яшь пианистлары арасында иң якты йолдызларның берсе. Ул 2019 елда П.И. Чайковский исемендәге Халыкара конкурсының III Премия лауреаты.
Концерт программасында:
- Ф. Шопен - Ноктюрн ре бемоль мажор соч. 27; ноктюрн до минор соч. 48
- Ф. Шопен - 3 нче Соната си минор, 58 нче соч.
- С. Рахманинов – Корелли темасына вариацияләр, соч. 42
- С. Рахманинов - Биш этюд-картина, 39 нчы №№ 2, 5, 6, 8, 9
Концертны «Пушкин картасы» программасы буенча карарга була.
29 апрельдә «Черек күл» паркында «100 Тукай» перформансы узачак. Әлеге чара бөек шагыйрьнең тууына 136 ел тулуга багышлана. Чараны Г.Кариев театры Казан Мэриясе белән берлектә тормышка ашыра. Перформанста Тукай шигырьләре һәм актерларның үзләре язган текстлары яңгыраячак.