ЯҢАЛЫКЛАР
«Татарстан Республикасының Габдулла Тукай исемендәге Дәүләт премиясе турында Нигезләмә" нигезендә 2022 елда Г.Тукай исемендәге Дәүләт премиясен алуда әсәрләр туплау турында тәкъдимнәр кабул ителә. Материалларны 15 февральгә кадәр тапшырырга мөмкин.
Президент мәдәни инициативалар фонды мәдәният, сәнгать һәм креатив (иҗади) индустрияләр өлкәсендәге проектларны гамәлгә ашыру өчен 2022 елда беренче грант конкурсының гариза бирү кампаниясенә йомгак ясады.
Конкурска гаризалар кабул итү 1 ноябрьдә башланып 20 гыйнварда тәмамланды.
Бу вакыт эчендә Фондның сайтында (фондкультурныхинициатив.рф) 22 312 яңа кулланучы теркәлгән, 84 субъекттан 10 290 гариза бирелгән.
22 гыйнвар көнне Алманиянең Бад-Зульца шәһәрендә Алабуга дәүләт музей-тыюлыгы коллекциясеннән «Дуслык тәгәрмәче» күргәзмәсе ачылды.
"Мәдәни мирас - бу безнең фондларыбыз гына түгел, һәйкәлләребез дә. Бу халкыбызның буыннан-буынга тапшырыла торган рухи традицияләре», - диде министр Ирада Әюпова.
2022 елның 21 гыйнварында 12:00 сәгатьтә «Казан Экспо» Халыкара күргәзмәләр үзәгендә «Министрлыкның 2021 елда эшчәнлек нәтиҗәләре һәм 2022 елга бурычлары турында» Татарстан Республикасы Мәдәният министрлыгы коллегиясенең киңәйтелгән утырышы уза.
ТР Мәдәният министрлыгы коллегиясенең киңәйтелгән утырышының турыдан-туры трансляциясен карарга чакырабыз.
Трансляция 21 гыйнвар 12:00 сәг. башлана!
Татарстан республикасы мәдәният министрлыгы Габдулла Тукай исемендәге Татар дәүләт филармониясе элеккеге директоры, Татарстанның атказанган мәдәният хезмәткәре Әсхәт Зөфәр улы Сафинның вафат булуы сәбәпле, мәрхүмнең якыннарының, туганнарының авыр кайгысын уртаклаша. Әсхәт Сафин 1943 елда Ижау шәһәрендә туып, 1967-1983 елларда Татар дәүләт җыр һәм бию ансамбленең артисты, 1989 -2007 елларда Габдулла Тукай исемендәге Татар дәүләт филармониясе директоры булып хезмәт итте.
Татарстан Республикасы Дәүләт сынлы сәнгать музееның хәзерге заман сәнгате галереясендә 27 гыйнварда 17:00 сәгатьтә Игнат Цоколаевның «Йорт китабы» фотокүргәзмәсе ачыла.
Татарстан Республикасы мәдәният министрлыгы, Татарстан Республикасы Театр эшлеклеләре берлеге, Г.Камал исемендәге Татар дәүләт Академия театры драматургия өлкәсендә чираттагы «Яңа татар пьесасы-2022» премиясенә конкурс игълан итәләр.
Татар җәмәгатьчелеге тирән югалту кичерә.
2022 елның 21 гыйнварында 18:30 сәгатьтә Сәйдәшев исемендәге Дәүләт Зур концертлар залында яшь музыкантларга ярдәм итү буенча «Иртәгәге йолдызлар» республика иҗади программасының сигезенче сезоны старт ала.
La Primavera Казан камера оркестрының сәнгать җитәкчесе Рөстәм Абязов сүзләренә караганда, Казандагы гала-концертта 200 сәләтле бала катнашачак.
Казандагы концерт программасына классикларның, заманча композиторларның да әсәрләре, халык композицияләре дә кертелгән. Программада иң кечкенәсенә катнашучысына-7 яшь, иң өлкәненә - 18 яшь. La Primavera оркестры белән сәхнәгә яшь пианистлар, скрипкачылар, флейтачылар, вокалчылар, хорлар һ. б. чыгачак.
Татарстанның башка шәһәрләрендә тыңлаулар февраль аенда узачак һәм язгы гала-концертлардан соң иң яхшы яшь башкаручылар финалга чакырыла.
Ул 11 майда Казанда С.Сәйдәшев исемендәге Дәүләт Зур концертлар залында узачак.