ЯҢАЛЫКЛАР

Россия халыкларының халык сәнгате һәм матди булмаган мәдәни мирас елына багышланган чараларны гамәлгә ашыру кысаларында Татарстанда "Талантлар эрасы" Халыкара балалар һәм яшүсмерләр башкаруында халык җыры фестивале узачак. Проект Президент мәдәни инициативалар фонды ярдәме белән үткәрелә.

Жюри беренче турда видеоязмалар буенча 60 коллективны сайлап алачак, алар 2022 елның 4 ноябрендә Казанда Халык бердәмлеге көнендә узачак фестиваль финалына чакырылачак.

Фестивальнең номинацияләре: халык вокалы, фольклор, халык стилизациясе, вокаль-инструменталь ансамбль (халык уен кораллары), халык җырына видеоклип.

Фестивальдә катнашу түләүсез. 1 турда катнашу өчен гаризаны 2022 елның 1 августына кадәр тапшырырга мөмкин.

Фестивальнең нигезләмәсе һәм тулырак мәгълүмат белән сайтта танышырга була: eratalantov.ru

Тинчурин театрында Илгиз Зәйниевның «Мәдинә» спектакленең премьерасы 7-8 һәм 20 апрельда үтәчәк. «Мәдинә» – татар театрында шашкын дәртнең фаҗигага китерүенә багышланган беренче спектакль. «Мәдинә» әсәре борынгы грек мифы «Медея» нигезендә иҗат ителгән.

Кунакчыллык – татар халкының төп сыйфаты. Татар гаиләсендә кунак – иң кыйммәтле хөрмәткә лаек кеше. Яңа программа «Татарча кунакчыллык» - Казан ханлыгы тарихы, татар халкының күңел җылылыгы белән танышу өчен уңайлы форсат.

Программага Казан Кремле буйлап экскурсия, Кол Шәриф мәчете белән танышу, татарча чәй белән сыйлану һәм ислам мәдәнияте музеенда гарәп каллиграфиясе белән танышу кергән.

Программа җомга көннәрендә сәг 15.00 эшли. Алдан язылу сорала. Төркемдә кеше саны 10 турист булу кирәк. Максималь кеше саны: 25 турист. Программа – 2,5 сәг дәвам итә. Билетлар Казан Кремленең визит үзәгендә.

Тулырак һәм алдан язылу өчен тел.: +7 (843) 567-81-42.

14 апрельдә Заманча этносәнгать музеенда Россия рәссамнарының иҗади берлеге әгъзасы, архитектор, перформер, фәлсәфәче, тәрҗемәче Наталья Апанайның «Төнгә әкиятләр» эшләре күргәзмәсе ачылачак (Мәскәү шәһәре).

Бүген, 7 апрельдә Буа дәүләт драма театрында Ш.З. Закиров исемендәге XXII Төбәкара «Идел-йорт» театр коллективлары фестиваль-конкурсы кысаларында иҗат лабораториясе уза. Программада: режиссер Тимур Кулов белән актерлык осталыгы буенча мастер-класс, сәнгать җитәкчесе-Буа дәүләт драма театры директоры Раил Садриев белән әңгәмә һәм катнашучыларның сораулары буенча фикер алышу.

Татарстанның төп мәдәни вакыйгаларының берсе – «Созвездие-Йолдызлык» эстрада сәнгате XXII ачык республика яшьләр фестиваленең тантаналы Гала-концерты якынлаша. Анда катнашучыларны 9-13 апрельдә КФУның «УНИКС» мәдәни-спорт комплексында һәм «Созвездие-Йолдызлык» арт-резиденциясендә узачак суперфинал билгеләячәк.

«Яңа Йолдыз» Бөтенроссия вокаль конкурсы - тарихта беренче музыкаль ярыш, анда Россиянең барлык 85 регионы катнаша. 85 иң көчле башкаручылар. 85 чын талантлар арасыннан, илнең төрле өлешләрендә. Алар беренче тапкыр бер сәхнәдә җыелачак һәм туган як өчен көрәшәчәк. Бөтен Россия Федерациясе буенча тамашачыларны масштаблы тавыш бирү һәм музыка өлкәсендә танылган экспертларның фикере проектның ике җиңүчесен билгеләячәк.

Инде күркәм традиция буенча, 9 апрельдә 14:00 сәгатьтә, бер үк вакытта 70 илдән 1000нән артык шәһәрдә кешеләр кулларына каләм тотып, рус теле буенча үз белемнәрен тикшерү мөмкинлеге белән диктант язачаклар.

7 апрельдә 18:30 сәгатьтә С. Сәйдәшев исемендәге Дәүләт Зур концерт залында Башкортостан Республикасы Милли симфоник оркестры чыгыш ясаячак. Концерт Татарстан Республикасы шәһәрләре буенча коллективның 30 еллыгына багышланган тур кысаларында Башкортостан Республикасы башлыгы Радий Хәбиров ярдәме белән узачак. Концерт программасында дөнья классикасының симфоник әсәрләре яңгыраячак.

8 апрельдә 17 сәгатьтә Татарстан Республикасы Милли музеенда «Бөек елгалар буенда. Урта Идел һәм Түбән Кама буенча юл күрсәткече». Китап 2022 елда Ульянда чыккан һәм Идел-Каманың 70 урыны турында сөйли.