ЯҢАЛЫКЛАР
2022 елның 17 июнендә 14:00 сәгатьтә Ислам мәдәнияте музеенда Мәскәү коллекционеры Низам Ибраһимов коллекциясеннән «Ислам почта открыткаларында» күргәзмәсе ачыла.
10 июньдә Зөя сәнгать галереясендә XVI гасыр елъязма җыентыгы миниатюраларын күрсәтү күргәзмәсе ачыла.
2022 елның 11 июнендә дәүләт бәйрәме - Россия көне алдыннан «Милли – актуаль» этномәдәни фестивале узачак.
Алабуга дәүләт музей-тыюлыгы генераль директоры Гөлзада Руденкога Россиянең тарихи-мәдәни мирасын өйрәнү, саклау һәм популярлаштыруга керткән өлеше өчен әдәбият һәм сәнгать өлкәсендә Россия Федерациясе Дәүләт премиясе тапшырылды.
МТС Big Data анализы нигезендә Россиядә иң зур сәнгать музее – Дәүләт Эрмитажының Казандагы беренче филиалына килүчеләрнең портретын төзегән. Музейның төп аудиториясе – хатын-кызлар, күпчелек килүчеләр 25тән 44 яшькә кадәр. Казан музее кунаклары иң актив Интернеттан файдаланучылар булып чыкты – биредә бер абонентка Эрмитажның калган филиалларына караганда, трафик күбрәк туры килә.
Искәртеп узабыз, 25 майда Сенегал башкаласы - Дакарда хәзерге Африка сәнгатенең биеннале кысаларында Dak'Art күргәзмәсе ачылды. Татарстан рәссамнарының 40ка якын эше анда Россияне тәкъдим итте.
Россиянең иң зур Ural Music Night музыка фестивалендә (Екатеринбург) беренче тапкыр бер сәхнәдә иң актуаль татар музыкасын тыңларга мөмкин булачак-бу Спорт уен төрләре сарае янында (Олимпия яры, 3) лейбл Yummy Music биш сәгатьлек шоукейсы булачак. 24 июньдә 20:30дан 01:00 сәгатькә кадәр бу мәйданда УСАЛ, GAUGA, Juna, ОММАЖ, URTIC, qaynar, Shanu, Malsi Music һәм Ilgiz чыгыш ясаячак. Шоукейста катнашучы барлык төркемнәр диярлек быел яңа сольный альбом чыгарды, ә кайберләре дөнья күрергә әзерләнгән яңа материал уйнаячак.
10 июньдә 15:00 сәгатьтә Татарстан Республикасы Милли китапханәсендә «Почта маркалары – тарих фрагментлары» күргәзмәсе ачыла. Күргәзмә Идел буе Болгарстанында Ислам динен кабул итүгә 1100 ел тулуга багышланган.
2022 елның 12 июнендә, Россия көнен бәйрәм итү көнендә, «Ленивый торжок» тарихи реконструкция комплексы территориясендә «Свияжск утрау-шәһәрчеге» дәүләт тарих-архитектура һәм сәнгать музей-тыюлыгының «Казачий круг» Казак җырлары республика фестивале узачак. Фестиваль 12.00 сәгатьтә ачыла һәм интерактив уен программасы, ярышлар, казак кухнясы ризыклары белән сыйлау белән дәвам итәчәк. Фестивальдә катнашучылар борынгы һәм заманча казак җырларын башкарачак.
«Сәйдәш» мәдәният үзәгендә «Апуш» балалар татар театр студиясенең премьерасы булды: тамашачылар студиянең 30 тәрбияләнүчедән торган беренче эше белән таныштылар.