Мәскәүдә Татарстан киносы көннәре уза
21-24 августта Мәскәүдә Татарстан фильмнары күрсәтелә.
Татар кинолары өч мәйданчыкта РФ кинематографистлары берлегенең Үзәк Кино йорты, Җиңү музее каршындагы "Поклонка" кинотеатры һәм Россия дәүләт балалар китапханәсендә күрсәтеләчәк.
Мәскәүлеләргә Татарстан кинематографиясенең яңа, шулай ук популяр киноленталары да тәкъдим ителәчәк. Кино күрсәтү мәйданчыкларында “Татаркино” директоры һәм фильмнарның продюсеры Миләүшә Айтуганова, режиссерлар Айназ Мөхәммәтҗанов, Әмир Галиәскәров, Илшат Рәхимбай, Сергей Киатров һәм актер Илфат Камалиев катнашачак. Татар киноларын күрсәтү Мәскәүдә Татарстан көннәре кысаларында уза.
ПРОГРАММА: https://mincult.tatarstan.ru/index.htm/news/2022-08-22.htm
Татарстан киносы көннәренең барлык чараларына керү мәйданчыкларның рәсми ресурсларында теркәлү буенча бушлай.