ЯҢАЛЫКЛАР
2023 елның 22 февраленнән 26 февраленә кадәр «Казан» Халыкара ат-спорт комплексы территориясендә (Казан ипподромы) халкыбыз һәм шәһәребез кунаклары өчен яраткан рәсем сәнгате әйберләрен, скульптураларын, декоратив иҗат әйберләрен сату «АРТ - Галерея. Казан» күргәзмәсенә чакырабыз.
Татарстан Республикасында 2023 елда игълан ителгән Милли мәдәният һәм традицияләр елы кысаларында Татарстан Республикасының "Әкият" балалар үзәге" дәүләт бюджет мәдәният учреждениесе балаларны милли мәдәнияткә җәлеп итүгә, Россия Федерациясе территориясендә яшәүче халыкларның телләренә һәм традицияләренә хөрмәт тәрбияләүгә юнәлдерелгән концерт интерактив-танып белү программалары сериясен әзерли.
Казан яшь тамашачы театры "А"дан "Я"га кадәр театрның популяр тарихы" дип аталган лекцияләр циклын башлап җибәрә. Лектор буларак Татарстан Республикасы Фәннәр академиясенең Г.Ибраһимов исемендәге тел, әдәбият һәм сәнгать институтының сәнгать үзәге өлкән фәнни хезмәткәре, филология фәннәре кандидаты, доцент, Елена Шевченко чыгыш ясаячак.
26 февральдә Зөя утрау-калачыгында традицион майлы белен пешерү күңел ачулары узачак!
Казанда Татарстан, Мәскәү һәм Санкт-Петербург экспертлары катнашында кинопродукция сыйфаты конференциясе узды.
Габдулла Тукай исемендәге Әтнә татар дәүләт театры 17 февральдән балалар һәм үсмерләр арасында республика күләмендә драматургия конкурсы игълан итә. Конкурста татар телендә язылган оригиналь пьесалар катнаша.
«Драматургия конкурсы Гомәр Мәрдәнов исемендәге театр фестивале кысаларында үтә. Конкурста 18 яшькә кадәрге балалар һәм яшүсмерләр катнаша ала», дип хәбәр итә театрның матбугат үзәге.
Салих Сәйдәшев исемендәге Дәүләт зур концерт залында, «МИРАС» фестивале кысаларында Татарстан Республикасы Дәүләт академия симфоник оркестры, сәнгать җитәкчесе һәм баш дирижер Александр Сладковский, Татарстан Республикасының Дәүләт камера хоры җитәкчесе Миләүшә Тәминдарова, дирижерлар Айрат Кашаев, Рөстәм Абязов, Ренат Халитов һәм солистлар катнашында концертлар узды.
15 февраль көнне Казан Муса Җәлилнең туган көнен (1906-1944) билгеләп үтте. 1 Май мәйданында герой-шагыйрь һәйкәленә чәчәкләр салдылар. Татарстанның Милли музеенда Моабит дәфтәрләренең оригиналы - Җәлилнең Берлин төрмәсендә Моабит тоткынлыгында язган шигырьләре музей фондларыннан тантаналы рәвештә күргәзмәгә чыгарылды. Бәйрәм кунаклары буларак ТР Дәүләт Советы депутатлары, иҗат интеллигенциясе вәкилләре, мәктәп укучылары, кадетлар катнашты.
Бүген, 15 февраль көнне җырчы, ТАССРның, РСФСРның атказанган артисты (1964, 1974), ТАССРның, РСФСРның халык артисты (1969, 1981, 1983) Илһам Гыйльметдин улы Шакировның туган көне.
Илһам Шакировның иҗади юлын дәвам итү һәм милли вокаль традицияләрне саклап калу өчен 2020 елда Татарстан Республикасы Министрлар Кабинеты карары белән Илһам Шакиров исемендәге Республика премиясе гамәлгә куелды. Агымдагы Илһам Шакиров исемендәге Республика премиясенә гариза кампаниясе узган елның көзендә узды.
Бу көннәрдә Татарстан Республикасы Мәдәният министрлыгы делегациясе Луганск шәһәренә эшлекле очрашу белән китте.