ЯҢАЛЫКЛАР

Бүген Казанда XVI «Нәүрүз» Халыкара театр фестивале ачыла. Быел фестивальдә нәрсәләр көтелүе турында матбугат конференциясендә сөйләделәр. Чарада ТР мәдәният министры урынбасары Дамир Натфуллин, Г.Камал исемендәге Татар дәүләт Академия театрының баш режиссеры, «Нәүрүз» фестиваленең сәнгать җитәкчесе Фәрит Бикчәнтәев, Драма сәнгате мәктәбенең режиссер-артистлар лабораториясе сәнгать җитәкчесе Игорь Яцко һәм А.Салаватов исемендәге Дагестан дәүләт кумык музыкаль-драма театрының баш режиссеры Скандарбек Тулпаров катнашты.

17-18 июньдә Казанда алтынчы мәртәбә «Алмаш (Смена)» заманча мәдәният үзәге тарафыннан оештырылган Җәйге китап фестивале узачак. 

Хәзерге вакытта Казан Кремлендә РФ ФС Дәүләт Думасы Мәдәният комитеты рәисе Елена Ямпольская рәислегендә Россия Федерациясе Федераль Собраниесе Дәүләт Думасының мәдәният буенча комитетының күчмә утырышы уза.Утырышның турыдан-туры трансляциясен түбәндәге сылтама буенча карарга мөмкин: https://vk.com/kazan_kremlin?z=video-9253143_456239351%2Fvideos-9253143

Утырышның темасы - "Россия Федерациясендә этномәдәни төрлелекне саклауны тәэмин итү өчен хокукый һәм оештыру нигезләрен булдыру. Төбәк аспекты".

31 майда Татарстан Республикасы театр әһелләре берлеге сәхнәсендә “Карлы патшабикә: SNOW буыны” спектакле 8нче тапкыр күрсәтелде. Премьерадан бүгенге көнгә кадәр вакыйгаларга бай озын юл үтелде. Спектакльнең һәр тамашасы - ул һәрвакыт яңача яшәлә торган үзенә бер аерым зур булмаган бер тормыш.

Казан яшь тамашачы театры 2 июньнән 4 июньгә кадәр Казанда узган "Горький +" сәнгать фестивалендә катнашты. Театрның эчке ишегалдында "Элекке кешеләр" (режиссер - Илнур Гарифуллин) спектакле куелды, шулай ук режиссер лабораториясе кысаларында театр белгече Олег Лоевский кураторлыгы астында "Җиңел кеше" (режиссер - Радион Букаев) һәм "Минем университетларым" (режиссер - Тимур Кулов) эскизлары булдырылды. 

2023 елның 9 июнендә 14:00 сәгатьтә «Казан Кремле» Музей-тыюлыгы территориясендә «Россия космосының хатын-кызлары йөзе» баннер фотокүргәзмәсе ачылачак. «Роскосмос» дәүләт корпорациясе беренче тапкыр безнең Ватаныбызны космик киңлеккә очулары һәм орбиталь станцияләрдә фидакарь эшләре белән таныткан совет һәм Россия хатын-кызларына багышланган уникаль фотокүргәзмә тәкъдим итә.

Татарстан Республикасы Мәдәният министрлыгы тарафыннан 2023 елда «Татар халкының этнографик мозаикасы» фотоконкурсы игълан ителә.

7 июньдә ТР Дәүләт сынлы сәнгать музееның заманча сәнгать галереясендә АКШ, Франция, Польша кебек илләрдә төрле елларда күргәзмәләр куйган төрек рәссамы Рәшит Алтун күргәзмәсе ачылачак. «Башта» күргәзмәсе Россиядә беренче шәхси экспозиция булачак.

6 июньдә бөек рус шагыйре А.С.Пушкинның туган көне билгеләп үтелә. Бу көн шулаһ ук Рус теле көне дә. Шул уңайдан Казанның "Мир" кинотеатры артында урнашкан Василий Аксенов скверында бәйрәм узачак.

10 июнь көнне 11.00 сәгатьтә Габдулла Кариев исемендәге Татар дәүләт яшь тамашачы театрында "Йөрәгем белән күрәм. Минем Якутия" дип аталган тифлоконцерт узачак.